અફઘાનિસ્તાન / તાલિબાને તૈયાર કર્યુ KILL LIST : કાબૂલમાં ઘરમાં ઘૂસીને એક એક કરીને આ લોકોની કરી રહ્યાં છે હત્યા

• કાબુલમાં મોતનું તાંડવ શરૂ
• ઘરમાં ઘૂસીને તાલિબાનો આપી રહ્યા છે હત્યાને અંજામ 
• કાબુલમાં ફસાયેલા પત્રકારે સમગ્ર મામેલ આપી માહિતી 

અફઘાનિસ્તાનની રાજધાની કાબુલ પર કબ્જો મેળવ્યા બાદ તાલિબાન હવે એ લોકોને શોધી શોધીને મારી રહ્યા છે જેમણે અમેરિકાની સેના તેમજ સરકારનું સમર્થન કર્યુ હતું. તેમણે એક કિલ લિસ્ટ પણ બનાવ્યું છે જેમા તેઓ ઘરે ઘરે જઈને લોકોને શોધીને મારી રહયા છે. 20 વર્ષ બાદ સત્તામાં આવેલ તાલિબાન હવે એ લોકોને સજા આપી રહ્યું છે જેમણે અમેરિકાની સેનાની મદદ કરી હતી. 

કાબુલના પત્રકારે આપી માહિતી 

જે લોકોને તાલિબાન શોધી રહ્યું છે તેમા મોટા ભાગે પોલીસ, સેનાના અધિકારી, સરકારી અધિકારી, તેમજ પત્રકારો પણ શામેલ છે. કાબુલમાં ફસાયેલા એક પત્રકાર સૈયદ મુસ્તફા કાજમીએ આ સમગ્ર મામલે માહિતી આપી છે. જેમા તેમણે ટ્વીટર પર ટ્વીટ કરીને કહ્યું કે તાલિબાન હવે તેમના દુશ્મનોને ઘરે ઘરે જઈને શોધી રહ્યું છે. 

મીડિયામાં કામ કરતી મહિલાઓની લીસ્ટ તૈયાર 

કાબુલમાં તાલિબાનોએ પત્રકારોના ઘરમાં ઘુસીને બધું શોધી રહ્યા છે. જેથી કાબુલના લોકોનું જીવવું હવે હરામ થઈ ગયું છે. કોઈને ખબર નથી કે હવે પરિસ્થિતી આગળ જતા કેવી થશે. તાલિબાને તે મહિલાઓની પણ લિસ્ટ તૈયાર કરી છે. જે સરકાર અને મીડિયા સાથે કામ કરે છે. રસ્તા પર ચાલતા દરેક નાગરીકને તાલીબાનો રોકીને તેની તલાશી લઈ રહ્યા છે. 

મહિલાઓને નથી મળતા કોઈ અધિકાર 

કાબુલમાં કલાકારોને જાહેરમાં માર મારવામાં આવી રહ્યો છે. સાથેજ તેમના સંગીતના સાધનો પણ તોડી રહ્યા છે. તાલિબાનના રાજમાં મહિલાઓને કોઈ અધિકાર આપવામાં નથી આવતા સાથેજ કલાકારોને પણ કોઈ જગ્યા આપવામાં નથી આવતી. આજ કારણ છે કે અફઘાનિસ્તાનની મહિલાઓ તેમના ભવિષ્યને લઈને ચિંતામાં મુકાઈ ગઈ છે. 

US આર્મીની મદદ કરનારાઓની હત્યા 

ઉલ્લેખનીય છે કે તાલિબાન વિદેશી સંસ્થાઓ સાથે કામ કરતા લોકોને પણ હવે મોતને ઘાટ ઉતારી રહ્યું છે. સાથેજ તેઓ કંધાર સ્ટેડિયમમાં પણ લોકોને મોતને ઘાટ ઉતારી રહ્યા છે તેવી માહિતી સામે આવી છે. જે લોકો અમેરિકાની આર્મીને મદદ કરતા હતા તે લોકોને ખાસ કરીને તાલિબાન તેમના દુશ્મન માને છે સાથેજ તેમને હાલ શોધી શોધીને તેમની હત્યા કરી રહ્યા છે.