આ સમયે સમગ્ર દુનિયામાં કોરોનાવાયરસનો કહેર ફેલાયેલો છે, એવી જ નવી નવી સ્વાસ્થ્ય સમસ્યાઓને જોતા હેલ્થ ઇન્સ્યોરન્શ પ્લાનની પણ જરૂરિયાત દિવસે દિવસે વધતી જઇ રહી છે. એવામાં પરિવારના લોકો માટે અલગ અલગ પૉલિસી લેવા કરતા સારું છે કે તમે તમામ માટે ફ્લોટર પ્લાન લો.
આ પ્લાનમાં ઓછા પૈસામાં તમારા સમગ્ર પરિવારને નાણાંકીય સ્વાસ્થ્ય સુરક્ષા મળી શકે છે. આ પ્રકારના પ્લાનનો ફાયદો છે કે તમે ઓછા પ્રીમિયમ પર પરિવારનો 15 લોકો સુધીનું કવર લઇ શકો છો. એની સાથે જ એ હેઠળ ઇમરજન્સીમાં એડ ઑન કવર જેવી સુવિધા પણ એમાં મળે છે.
ઓછા પૈસામાં મળે છે નાણાંકીય સુરક્ષા
આમાં એક જ પ્લાનમાં પરિવારના તમામ સભ્ય કવર થઇ જાય છે. સાથે જ તમામનું પ્રીમિયમ એક જ આવે છે.
તેમાં દરેકને 2 લાખ રૂપિયાનું જ કવર મળશે, જ્યારે જો તમે 8 લાખ રૂપિયાનો ફેમિલી ફ્લોટર પ્લાન ખરીદો તો દરેકને 2ને બદલે 8 લાખ રૂપિયાનું કવર મળશે.
કોઈ સભ્યના રોગ પર અચાનક 5થી 7 લાખ રૂપિયા ખર્ચ કરવો પડ્યો તો ફેમિલી ફ્લોટર પ્લાન તમને આર્થિક સંકટમાંથી બચાવી લેશે.
આ યોજના પાછળ કંપનીઓની ધારણા એ છે કે, પરિવારના સભ્યો એકસાથે બીમાર પડે તેવી સંભાવના નથી હોતી.
ઇન્ડિવિડ્યુઅલ અને ફેમિલી ફ્લોટર ઇન્ડેમ્નિટી પ્લાન છે. આનો અર્થ એ કે તમે હોસ્પિટલમાં દાખલ થવા દરમિયાન થતો ખર્ચ પરત મળે છે.
15 લોકોને કરી શકો છો કવર
ફ્લોટર પ્લાનમાં તમે તમારા પરિવાર એટલે કે પતિ અથવા પત્ની, બાળકો, માતા પિતા સાથે સાસુ સસરાને એક્સટેન્ડેડ ફેમિલી કવર તરીકે લઈ શકાય છે. અનેક કંપનીઓ ફ્લોટર પ્લાનમાં પહેલેથી રહેલી પેરેંટલ બીમારીને પણ આવરી લે છે. જો કે, તમારે આ માટે વધુ પ્રીમિયમ ચૂકવવું પડશે. કુલ, તમે ફ્લોટર પ્લાનમાં પરિવારના 15 સભ્યોને આવરી શકો છો.
તેમાં ક્રિટિકલ ઇલનેસના એડ ઓન કવરનો ઓપ્શન પણ મળે છે. એડ ઓન કવર તમને એવી મેડિકલ ઇમરજન્સીથી સરુક્ષા આપે છે જેની સારવારનો ખર્ચ વધારે હોઈ શકે છે, જે તમારી નિયમિત હેલ્થ ઇન્શ્યોરન્સ પોલિસીમાં કવર નથી થતો.
ક્યાં સુધી કરાવી શકો છો રિન્યુએબલ?
મોટાભાગની વીમા કંપનીઓ 60થી 65 વર્ષની વય સુધી પોલિસી રિન્યૂએબલ વિકલ્પો પ્રદાન કરે છે. જો કે, કેટલીક એવી કંપનીઓ છે જે આજીવન રિન્યૂએબલનો ઓપ્શન પણ આપે છે. એવામાં તમે એક એવો ફ્લોટર પ્લાન પસંદ કરો, જે તમને વધુમાં વધુ આર્થિક સુરક્ષા આપતો હોય.
આવી રીતે કામ કરે છે ફેમિલી ફ્લોટર પોલિસી
એક વ્યક્તિને પોતાના પરિવારને કવર કરવા માટે 10 લાખ રૂપિયાની વીમા રકમની સાથે એક ફેમિલી ફ્લોટર પ્લાન ખરીદ્યો. પરિવારમાં એની પત્ની અને બે બાળકો સામેલ છે. પૉલિસીના સમયગાળા દરમિયાન એમને ડેન્ગ્યૂ થઇ જાય છે તો એમને હોસ્પિટલ દાખલ થવું પડે છે. એમની સારવારમાં લગભગ 3 લાખ રૂપિયા ખર્ચ થઇ જાય છે.
એક ફેમિલી ફ્લોટર પ્લાન હેઠળ, એ પોતાના વીમાકર્તાથી આ રકમનો દાવો કરવામાં સક્ષમ છે અને જરૂરી દસ્તાવેજ જમા કર્યા બાદ રકમ પ્રાપ્ત કરી લે છે. પોતાના ફેમિલી ફ્લોટર પ્લાન હેઠળ, એમની પાસે હજુ પણ 7 લાખ રૂપિયા રહ્યા છે. એ ખુદ માટે અને પરિવાર અને અન્ય સભ્યોને જરૂર પડવા પર કામ આવી શકે છે.