VIDEO / તુર્કીના વિનાશક ભૂકંપમાં ભાઇને હિંમત અપાવતી જોવા મળી 7 વર્ષની બહેન, 17 કલાક સુધી કાટમાળ નીચે દટાઇ રહ્યાં

• તુર્કી અને સીરિયામાં ભૂકંપે ખૂબ તબાહી મચાવી 
• ભૂકંપ બાદનો એક વીડિયો થઈ રહ્યો છે વાયરલ
• 7 વર્ષની બહેને પોતાના ભાઈને આ રીતે બચાવ્યો

છ ફેબ્રુઆરી 2023નો દિવસ તુર્કી અને સીરિયાના ઈતિહાસમાં ક્યારેય નહીં ભુલાવી શકાય. 4.17 વાગ્યે આવેલા ભૂકંપે બધુ જ તબાહ કરી દીધુ હતું. અત્યાર સુધી આઠ હજાર લોકોના મોત થઈ ચુક્યા છે અને ઘણી તસવીરો દિલ તોડવા વાળી પણ છે. ઘણા માસુમ બાળકોના પણ મોત થયા છે. 

પરંતુ અહીંનો એક વીડિયો વાયરલ થઈ રહ્યો છે જેમાં એક સાત વર્ષની બાળકી અને તેનો નાનો ભાઈ જોવા મળી રહ્યો છે. વીડિયોમાં ભાઈ બહેનનો સુંદર સંબંધ જોવા મળી રહ્યો છે. જે આ દુનિયામાં સૌથી બેસ્ટ માનવામાં આવે છે. આ બંન્ને બાળકોને 17 કલાક બાદ કાટમાળમાંથી સુરક્ષિત બહાર કાઢવામાં આવ્યા. 

Little Girl protecting her little brother’s head while they’re trapped under building debris…#earthquake #earthquakeinturkey #Turkey #earthquaketurkey #Syria #syriaearthquake #Turkiye #Turkish pic.twitter.com/UHUhEIYS3b

— Jyot Jeet (@activistjyot) February 7, 2023

ભાઈની રક્ષા માટે બહેને જુઓ શું કહ્યું 
ભૂકંપનો કાટમાળ જોઈને જ ડર લાગે તેની અંદર આ બાળકી ડર્યા ગભરાયા વગર પોતાના ભાઈની રક્ષા કરતી જોવા મળી રહી છે. તેની પીઠ ઉપર એક પથ્થર હતો પરંતુ તે પોતાના ભાઈને ઈજા પહોંચાડવા ન હતી માંગતી. 

જોકે અમુક લોકોનું કહેવું છે કે આ બાળક તેની બહેન છે. પરંતુ યુનાઈટેડ નેશંસના પ્રતિનિધિ મોહમ્મદ સાફાએ જેમણે આ વીડિયોને ટ્વીટ કર્યું છે તેમણે બીજા બાળકને તેનો ભાઈ જણાવ્યો છે. 

The 7 year old girl who kept her hand on her little brother's head to protect him while they were under the rubble for 17 hours has made it safely. I see no one sharing. If she were dead, everyone would share! Share positivity... pic.twitter.com/J2sU5A5uvO

— Mohamad Safa (@mhdksafa) February 7, 2023

17 કલાક સુધી ફસાયેલા રહ્યા બંન્ને 
સાફાએ લખ્યું, "આ સાત વર્ષની બાળકી પોતાના નાના ભાઈના માથા પર હાથ રાખીને તેની રક્ષા કરી રહી છે. જ્યારે બંન્ને કાટમાળમાં 17 કલાક સુધી ફસાયેલા રહ્યા. આ તસવીરને કોઈએ શેર નથી કર્યું અને જો તે મરી જાત તો બધા તેને શેર કરત." સાફાએ અંતમાં લખ્યું, "પોઝિટિવને શેર કરો." 

તુર્કી અને સીરિયા બન્ને દેશોમાં જ્યારે તબાહી થઈ છે. આ તબાહીમાં ઘણા બાળકોએ પોતાનો જીવ ગુમાવ્યો છે તો અમુક બચીને બહાર નિકળ્યા છે. લોહી જમાવી દે તેવું તાપમાન અહીં રાહત કાર્યમાં અડચણ ઉભી કરી રહ્યું છે. રાહત અને બચાવકર્મી રોકાયા વગર અને થાડ્યા વગર કાટમાળમાંથી લોકોને કાઢવાનું કામ કરી રહ્યા છે.