સુરત / સ્વિમિંગ પુલે 15 દિવસમાં લીધો વધુ એક જીવ

ઘટના છે અડાજણ વિસ્તારમાં આવેલા વીર સાવરકર સ્વિમિંગ પુલની. જ્યાં માત્ર 3 ફૂટ પાણીમાં ડુબી જતાં 70 વર્ષીય વૃદ્ધ વકીલનું મોત નિપજ્યું છે. સ્વિમિંગ પુલમાં ડૂબી જવાની 15 દિવસમાં આ બીજી ઘટના છે.

#Suratમાં સ્વિમિંગ પુલે લીધો વધુ એક જીવ, 70 વર્ષીય વૃદ્ધ વકીલનું 3 ફૂટ પાણીમાં ડૂબી જતાં મોત, ઈન્સ્ટ્રક્ટરો ધ્યાન ન આપતા હોવાનો આક્ષેપ, 15 દિવસમાં બીજી ઘટના pic.twitter.com/6BZMdqsck0

— VTV Gujarati News (@VtvGujarati) May 1, 2019

આ અગાઉ પણ 11 વર્ષના બાળકનું ડુબી જવાથી મોત નિપજ્યું હતું. ત્યારે મ્યુનિસિપલ સંચાલીત સ્વિમિંગ પુલમાં ઈન્સ્ટ્રક્ટરો દ્વારા ધ્યાન ન આપવામાં આવતું હોવાનો આક્ષેપ થઈ રહ્યા છે. જોકે સુરતમાં ગરમીથી ઠંડક મેળવવા માટે સ્વિમિંગ પુલનો સહારો બે લોકોને મોંઘો પડ્યો છે અને અમૂલ્ય જીવ ગુમાવ્યો છે. ત્યારે તંત્ર દ્વારા આ મામલે શું કાર્યવાહી કરવામાં આવે છે તે જોવું રહ્યું.