UP ELECTION / મારા રોમે રોમમાં ભાજપ છે, હું અહીંયા જ રહીશ અને અહીંયા જ મરીશ, BJPમાંથી ટિકિટ કપાતા કર્યો બચાવ

યુપીમાં ચૂંટણી આડે હવે ગણતરીના દિવસો બાકી છે. ત્યારે રાજકીય પાર્ટીઓમાં નેતાઓના આયારામ ગયારામની ઘટાનો એક પછી એક સામે આવી રહી છે. ત્યારે હવે ફરી એક વાર યોગી સરકારના મંત્રી સ્વાતિ સિંહના રાજીનામાની અફવા ચાલી હતી. હકીકતમાં જોઈએ તો, લખનઉની સરોજીની નગર સીટ પરથી તેમની ટિકિટ કપાયા બાદ એવી ચર્ચાએ જોર પકડ્યું હતું કે, સ્વાતિ સિંહ સમાજવાદી પાર્ટીમાં જોડાઈ શકે છે. જો કે, ટિકિટ કપાયા બાદ સ્વાતિ સિંહનું નિવેદન આવ્યું છે અને તેમણે કહ્યું કે, મારા રોમે રોમમાં ભારતીય જનતા પાર્ટી છે. હું અહીંયા જ છું. અહીંજ રહીશ અને અહીં જ મરીશ.

સ્વાતિ સિંહને પતિ દયાશંકર સિંહ સાથે ચાલી રહેલા કથિત વિવાદ અને ટિકિટને લઈને ચાલી રહેલી વાતો પર કહ્યુ કે, પતિ સાથે તેમને કોઈ વિવાદ નથી. હું ભારતીય જનતા પાર્ટીમાં જ છું. આ એ પાર્ટી છે, જે ક્યારેય ખોટો નિર્ણય લેતી નથી. હું ભાજપ પરિવારનો ભાગ છું અને રહીશ. મેં 17 વર્ષની ઉંમરમાં વિદ્યાર્થી પરિષદ જોઈન કરી હતી અને મારા રોમે રોમમાં ભારતીય જનતા પાર્ટી છે. હું અહીં જ રહીશ અને અહીં જ મરીશ.

 

I am part of BJP and will continue to remain so throughout my life. No worker should question the decision taken by the party leadership. The party must have done it for good: UP Minister Swati Singh on not being given ticket in this Assembly election pic.twitter.com/CbqseViyEU

— ANI UP/Uttarakhand (@ANINewsUP) February 2, 2022

ટિકિટ કપાયા બાદ સ્વાતિ સિંહ શું બોલ્યા

સ્વાતિ સિંહે કહ્યું કે, મને જ્યારે પણ પૂછવામાં આવ્યું કે, સરોજની નગરથી ભાજપના ઉમેદવાર કોણ હશે, તો હું હંમેશા કહેતી આવી છું કે, અહીંથી કમળનું ફુલ લડશે. આ હાઈકમાન્ડ નિર્ણય લેશે, ટિકિટ નહીં આપવાનો નિર્ણય કર્યો હશે,, તો મારા માટે કંઈ સારૂ જ વિચાર્યું હશે.

આપને જણાવી દઈએ કે, સ્વાતિ સિંહ લખનઉની સરોજની નગરથી ભાજપની ટિકિટ માગી રહ્યા હતા. આ સીટ પરથી તેમના પતિ દયાશંકર સિંહ પણ ટિકિટ માગી રહ્યા હતા. ભાજપે ઝઘડો ખતમ કરવા માટે ઈડીના પૂર્વ જોઈન્ટ ડાયરેક્ટર રાજેશ્વર સિંહને લખનઉની સરોજની નગર વિધાનસભા સીટ પરથી ઉમેદવાર બનાવી દીધા છે.

એવો ક્યાસ લગાવામાં આવી રહ્યો છે કે, ભાજપમાંથી ટિકિટ કપાયા બાદ સ્વાતિ સિંહ સમાજવાદી પાર્ટીમાં જોડાઈ શકે છે અને સપા તેમને લખનઉની સરોજની નગર સીટ પરથી ઉમેદવાર બનાવશે. પણ સપાએ આ સસ્પેંસને ખતમ કરતા સરોજની નગર સીટ પરથી અભિષેક મિશ્રાને ઉમેદવાર બનાવી દીધા છે.