સુશાંત સિંહ રાજપૂરની બોલિવૂડ ઈન્ડસ્ટ્રી સહિત તેનો પરિવાર, મિત્રો અને ફેન્સ શોકમાં ડૂબી ગયો છે. સુશાંતે 14 જૂને તેના બાન્દ્રા સ્થિત ઘરે ગળે ફાંસો ખાઈને આત્મહત્યા કરી લીધી હતી. સુશાંતના જવાથી તેનો પાળતૂ ડોગી પણ ખૂબ જ અપસેટ છે. તેની તસવીરો અને વીડિયો સોશિયલ મીડિયા પર વાયરલ થઈ રહ્યાં છે.
સુશાંતના જવાથી તેનો ડોગી પણ દુઃખી
સોશિયલ મીડિયા પર વાયરલ થઈ રહ્યાં છે ફોટો અને વીડિયો
પોતાના માલિક અને મિત્ર સુશાંતના આમ જતાં રહેવાથી તેનો ડોગી ફજ પણ ખૂબ જ દુખી છે. બંનેની કેટલીક તસવીરો અને વીડિયો વાયરલ થઈ રહ્યાં છે. જેમાં એ બંને વચ્ચે એકબીજા માટે અતૂટ પ્રેમ જોવા મળી રહ્યો છે. આ તસવીરો તમારી આંખો ભીની કરી દે તેવી છે.
બિગ બોસ કન્ટેસ્ટન્ટ મનવીર ગુર્જરે પણ સુશાંત અને ફજની કેટલીક તસવીરો શેર કરી છે. જ્યારે એક વીડિયોમાં સુશાંતનો ડોગી વારંવાર સુશાંતમાં રૂમમાં જતાં જોવા મળી રહ્યો છે. ત્યાં જઈને તે સુશાંતને શોધે છે અને પાછો આવી જાય છે. ફજ મોબાઈલમાં તેના માલિકની તસવીર જોતા પણ જોવા મળી રહ્યો છે.
Sushant yaar 💔
I just can't hold my tears, don't leave your pets behind , ye MOVE ON hamari duniya main hota hai, they just don't know how to do it .#SushantSinghpic.twitter.com/92VD96zpBm
એક વીડિયોમાં સુશાંત અને ફજની મિત્રતા જોઈ શકાય છે. વીડિયોમાં બંને ગાર્ડનમાં મસ્તી કરતાં જોવા મળી રહ્યાં છે. જ્યારે એક અન્ય વીડિયોમાં સુશાંત ફજને ખોડામાં બેસાડીને વહાલ કરતાં જોવા મળી રહ્યો છે. ફજ સુશાંતની રાહ જોઈ રહ્યો હોય એવું લાગે છે.