Surya Gochar 2023 / ત્રણ રાશિના જાતકોને નોકરીમાં મળશે લાભ: સૂર્ય કુંભ રાશિમાં કરશે રાશિપરિવર્તન

• ફેબ્રુઆરીમાં સૂર્ય કુંભ રાશિમાં પ્રવેશ કરી રહ્યાં છે
• અમુક રાશિના જાતકોના જીવનમાં અનુકૂળ પ્રભાવ જોવા મળશે
• સમાજમાં માન-સન્માન, સ્વાસ્થ્ય અને આર્થિક લાભ જોવા મળશે

13 ફેબ્રુઆરીએ સૂર્ય મકરમાંથી નિકળીને કુંભમાં પ્રવેશ કરશે

ગ્રહો-નક્ષત્રોનુ બદલાવુ વ્યક્તિના જીવનમાં ખુશી અને પરેશાની લઇને આવે છે. દરેક ગ્રહ પોતાના નિશ્ચિત સમયે ગ્રહ પરિવર્તન કરે છે. સૂર્ય દર 30 દિવસ બાદ એક રાશિમાંથી બીજી રાશિમાં પ્રવેશ કરે છે. મહત્વનું છે કે, 13 ફેબ્રુઆરીએ સૂર્ય મકરમાંથી નિકળીને કુંભ રાશિમાં પ્રવેશ કરશે. સૂર્યના કુંભમાં પ્રવેશ કરવાથી અમુક રાશિના જાતકોના જીવનમાં અનુકૂળ પ્રભાવ જોવા મળશે. આ દરમ્યાન સમાજમાં માન-સન્માન, સ્વાસ્થ્ય અને આર્થિક લાભ જોવા મળશે. 

ફેબ્રુઆરીમાં ક્યારે થશે સૂર્ય ગોચર 2023

જ્યોતિષ શાસ્ત્ર મુજબ સૂર્ય ગોચર 13 ફેબ્રુઆરીએ સવારે 9 વાગ્યેને 57 મિનિટે થશે. આ દરમ્યાન સૂર્ય મકર રાશિમાંથી નિકળીને કુંભ રાશિમાં ગોચર કરશે. એવામાં સૂર્ય અને શનિની યુતિ પણ બનવાની છે. બંને બલી ગ્રહોની યુતિ ત્રણ રાશિના જાતકોનુ ભાગ્યોદય કરશે.

ધન રાશિ 

સૂર્યનુ કુંભ રાશિમાં ગોચર કરવુ ધન રાશિના જાતકો માટે વિશેષ રીતે લાભદાયી રહેશે. આ દરમ્યાન તેમને સરકારી નોકરી મળવાની પૂરી સંભાવના છે. આ સમયગાળામાં પૂરી મહેનતથી તૈયારી કરો. તમને થોડા સમયમાં શુભ સમાચાર મળશે. જો કોઈ નવુ કામ શરૂ કરવાનુ વિચારી રહ્યાં છો તો આ સમય અનુકૂળ છે. પિતાનો સહયોગ લો. તેનાથી ધનલાભ થશે.

કન્યા રાશિ 

ગ્રહોના રાજા સૂર્ય 13 ફેબ્રુઆરીએ કુંભ રાશિમાં ગોચર કરી રહ્યાં છે, જે કન્યા રાશિના જાતકો માટે અત્યંત ફળદાયી રહેશે. આ દરમ્યાન માન-સન્માનની પ્રાપ્તિ થશે. તમારે થોડુ સાવધાન રહેવાની જરૂર છે. વિરોધીઓ તમારી વિરુદ્ધ ષડયંત્ર રચી શકે છે. પરંતુ આવા સમયે સૂઝબૂઝથી કાબુ મેળવી શકાય છે. નોકરીયાત વર્ગને નવી જવાબદારી મળી શકે છે. 

વૃષભ રાશિ

આ દરમ્યાન આ રાશિના જાતકોને ભાગ્યોદય થવાની સંભાવના છે. આ દરમ્યાન જે લોકો નોકરી બદલવાનો વિચાર કરી રહ્યાં છે, તેમને આ દરમ્યાન ઘણી નવી તક મળશે. કોઈ સારી કંપનીમાંથી જોબ ઑફર મળી શકે છે. માન્યતા છે કે 15 માર્ચ સુધી વેપાર સાથે જોડાયેલા જાતકોને મોટો લાભ થવાના સંકેત મળી રહ્યાં છે. આ સમયગાળામાં પોતાનુ ઘર લઇ શકો છો.