VIDEO: શ્રી મેટરનિટી હોસ્પિટલના સોનોગ્રાફી મશીનને આરોગ્ય વિભાગે માર્યું સીલ

સુરેન્દ્રનગરમાં શ્રી મેટરનિટી ગાયનેક હોસ્પિટલમાં આરોગ્ય વિભાગ દ્વારા કાર્યવાહી હાથ ધરાઇ છે. ગર્ભ પરીક્ષણના 11 ફોર્મમાં ચેકિંગ દરમિયાન ગેરરીતિ જણાઇ આવી હતી. જયાં  ગેરરીતિ બદલ ડોકટરને નોટિસ ફટકારવામાં આવી છે.

ઉલ્લેખનીય છે કે ખાનગી હોસ્પિટલોમાં રાખવામાં આવતા સોનોગ્રાફી મશીન રાખવા અંગે કેટલાક નિયમો બનાવવામાં આવેલ છે જો કે કેટલાક ડોક્ટરો દ્વારા આ નિયમોનું પાલન કરવામાં આવતું નથી.ત્યારે આજે આરોગ્ય વિભાગ દ્વારા આજે શહેરની શ્રી મેટરનિટી હોસ્પિટલમાં તપાસણી હાથ ધરવામાં આવી હતી.

આ તપાસણી દરમિયાન ગર્ભ પરીક્ષણના 11 ફોર્મમાં ચેકિંગ કરવામાં આવતા ગેરરીતિ જણાઇ આવતા તંત્ર દ્વારા ડોક્ટરને નોટિસ ફટકારી સોનોગ્રાફી મશીન સીલ કરવામાં આવેલ.