સુરતના અમરોલી વિસ્તારમાં કોળી પરિવારે સામુહિક આપઘાતનો પ્રયાસ કર્યો છે. કોસાડના આવાસમાં રહેતા પરિવારે સામુહિક આપઘાતનો પ્રયાસ કર્યો છે. પતિ-પત્ની અને પાંચ વર્ષની પુત્રીએ ઝેરી દવા ગટગટાવીને આપઘાતનો પ્રયાસ કર્યો.
તમામ લોકોનો સારવાર અર્થે હોસ્પિટલમાં ખસેડાયા હતા. આ ઘટનામાં પતિનું મોત થયું છે. જ્યારે પત્ની અને પુત્રીની હાલત ગંભીર છે. આ ઘટનાની જાણ થતા પોલીસકર્મીઓ ઘટનાસ્થળે દોડી આવ્યા હતા. પરિવારજનોએ ક્યા કારણોસર આપઘાતનો પ્રયાસ કર્યો તે દિશામાં પોલીસે તપાસ શરૂ કરી છે.
આ મામલે મળતી જાણકારી મુજબ ડાયમંડ નગરી ગણાતા સુરતમાં એક પરિવારે સામુહિક આપઘાત કરવાનો પ્રયાસ કરતા ચકચાર મચી જવા પામી હતી. શહેરના અમરોલી વિસ્તારમાં રહેલા કોળી પરિવારે તાજેતરમાં ઝેરી દવા ગટગટાવીને આપઘાત કરવાનો પ્રયાસ કર્યો હતો. સામુહિક આપઘાતમાં પતિ-પત્ની અને પાંચ વર્ષની પુત્રીનો સમાવેશ થાય છે.
જો કે આ ઘટનાની જાણ આસપાસના લોકોને થતાં તેમણે તાત્કાલિક અસરથી કોળી પરિવારને નજીકના દવાખાને ખસેડવા માટે પ્રયાસ હાથ ધર્યા હતા. જો કે દવાખાનામાં સારવાર દરમિયાન પતિનું મોત થયું હતું.
પત્ની અને પુત્રીની સ્થિતિ નાજૂક હોવાનું સ્થાનિક સૂત્રો દ્વારા જાણવા મળ્યું હતું. આ બનાવને પગલે સ્થાનિક પોલીસ કાફલો તાત્કાલિક અસરથી ઘટના સ્થળે આવી પહોંચ્યો હતો અને ક્યાં કારણોસર પરિવારે આપઘાત કરવાનો પ્રયાસ કર્યો તે દિશામાં તપાસ હાથ ધરી હતી.