આપઘાત / 'હું કિરીટભાઈ પટેલ મારું દેવું વધી ગયું છે આથી હું આત્મહત્યા કરૂ છું' તપાસના છેડા સૂર્યા મરાઠીની ગેંગ સુધી

• સુરતમાં જમીનમાલિક કિરીટ પટેલના આપઘાતનો મામલો
• આપઘાત કેસ મુદ્દે પોલીસની કાર્યવાહી 
• પોલીસે બિલ્ડર મગન દેસાઇ સામે નોંધ્યો ગુનો

સુરતમાં જમીનમાલિક કિરીટ પટેલના આપઘાત મામલે પોલીસે કાર્યવાહી કરી અને બિલ્ડર મગન સામે મની લોન્ડરિંગનો ગુનો નોંધ્યો છે. આ ઉપરાંત વ્યાજખોરીમાં સૂર્યા મરાઠી ગેંગનું કનેક્શન પણ સામે આવ્યું છે. સૂર્યા મરાઠી ગેંગના હાર્દિકની પત્નીનું નામ સામે આવ્યું છે. જેમાં હાર્દિકની પત્ની ફોન ઉપર હેરાન કરી રહી હોવાનો ખુલાસો થયો છે.

સુરતના જહાંગીરપુરા વિસ્તારમાં આવેલી સુંદરમ સોસાયટીમાં કિરીટ પટેલ નામનો યુવક પરિવારની સાથે રહેતો હતો. કિરીટ સ્કૂલવાન ચલાવતો હતો અને લોકડાઉનમાં ધનવંતરી રથમાં ડ્રાઈવર તરીકે કામ કરતો હતો.

કિરીટ પટેલ પોતાના ઘરમાં પંખા સાથે દુપટ્ટો બાંધીને આપઘાત કર્યો હતો

કિરીટ પટેલને સુરતના કતારગામ વેડ રોડ સ્થિત આવેલી એક જમીન મામલે મગન દેસાઈ નામના વ્યક્તિ પાસેથી પૈસા લેવાના નીકળતા હતાં મગન દેસાઈ દેસાઈ બિલ્ડર છે. મગન દેસાઈએ પૈસા ન આપતા કિરીટ પટેલે વ્યાજે પૈસા લીધા હતા. આર્થિક સંકડામણમાં આવેલો કિરીટ પટેલ સમયસર વ્યાજખોરોને લીધેલા પૈસાનું વ્યાજ ન ચૂકવી શકતા વ્યાજખોરો તેને પરેશાન કરતા હતા. વ્યાજખોરોની પઠાણી ઉઘરાણીના કારણે આર્થિક સંકડામણમાં આવેલા કિરીટ પટેલ પોતાના ઘરમાં પંખા સાથે દુપટ્ટો બાંધીને આપઘાત કર્યો હતો.

હું કિરીટભાઈ પટેલ મારું દેવું વધી ગયું છે આથી હું આત્મહત્યા કરૂ છું

આપઘાત કરતા પહેલા કિરીટ પટેલે બે પાનાની સ્યૂસાઈડ નોટ લખી હતી. જેમાં તેણે લખ્યું હતું કે, પોલીસ સાહેબ હું કિરીટભાઈ પટેલ મારું દેવું વધી ગયું છે આથી હું આત્મહત્યા કરૂ છું. મારી પાસે વ્યાજવાળા દબાણ કરે છે. હવે આવી મંદીમાં હું પૈસા ક્યાંથી લાવું. મગન દેસાઈ પાસેથી મારે મારા પૈસા લેવાના છે અને તેનો કેસ ચાલે છે. ગુરુકુળ ચોકીમાં પણ બધુ લખાવ્યું છે. વ્યાજવાળા મારુ ઘર લઈ લેવા માગે છે. મારા ફોનમાં કોલ રેકોર્ડિંગ છે, તે તમે સાંભળજો વ્યાજવાળાના નામ પણ આવી જશે. મારા ઘરવાળાને કોઈ હેરાન ન કરે તે જોજો. બોલ લખવાનો મારી પાસે ટાઈમ નથી. તમારા પર પૂરો ભરોસો છે. મગનભાઈ દેસાઈએ મારા પૈસા આપી દીધા હોય તો મારા પર દેવું ન થાત મગનભાઈએ મારી સાથે ગદ્દારી કરી છે એટલે હું દેવામાં ડૂબી ગયો છું. મારા પરિવારને કોઈ હેરાન ન કરે તે જોજો મહેરબાની તમારી.