સુરતમાં 7 વર્ષની માસૂમ બાળકી સાથે ચોકલેટ આપવાના બહાને આચર્યુ દુષ્કર્મ

સુરતઃ શહેરના માન દરવાજા પાસે 7 વર્ષની માસૂમ બાળકી સાથે પાડોશી યુવકે ચોકલેટ આપવાના બહાને દુષ્કર્મ આચર્યુ છે. ગુપ્તઆંગમાંથી લોહી નિકળતા બાળકીને સિવિલ હોસ્પિટલમાં ખસેડાઈ હતી. સિવિલ હોસ્પિટલમાં સારવાર દરમિયાન બાળકીએ સમગ્ર વાત ડૉક્ટરને જણાવી હતી. ત્યારે હવે ખટોદરા પોલીસે દુષ્કર્મનો ગુનો નોંધીને આગળની કાર્યવાહી શરૂ કરી છે.

જો કે પોલીસ દ્વારા દુષ્કર્મ આચરનારનો બચાવ કરાતો હોવાની વાત સામે આવી રહી છે. પાડોશમાં રહેતો યુવક ચોકલેટ આપવાના બહાને પોતાના ઘરે લઇ ગયો અને તેના પર દુષ્કર્મ આચર્યું હતું. આ માસૂમ બાળકીના શરીરે ઉજરડા પણ મળી આવ્યા છે. 

આ હેવાન નાની બાળાની જિંદગી હણી નાખી છે. ત્યારે પોલીસ પણ કાર્યવાહીમાં ઉણપ કેમ રાખી રહી છે? આ ઘટનાની જાણ પરિવારને થતા અરેરાટી મચી જવા પામી હતી. બાળકીને ગુપ્તભાગે ઇજા થતા તેને હોસ્પિટલ ખસેડવામાં આવી હતી. જ્યાં બાળકીએ સમગ્ર વાત ડોક્ટરને જણાવી હતી.

પોલીસ હેવાનનો બચાવ કરી રહી છે... પોલીસે સુરત સિવિલમાં માત્ર સ્પર્શ કર્યાની યાદી સાથે સારવાર માટે લઇ આવી હતી. ત્યારે આ સમગ્ર ઘટનાની તપાસ કરીને પોલીસ દુષ્કર્મના આરોપીને છાવરે નહીં અને માસૂમને ન્યાય અપાવે તેવી માંગ ઉઠવા પામી છે.