સુરતના પાંડેસરામાં બાળકી સાથે દુષ્કર્મ અને હત્યા મામલે આરોપી હર્ષસાઈ ગુર્જરના રિમાન્ડ પુરા થતા આજે કોર્ટમાં રજૂ કરવામાં આવ્યો હતો.
11 દિવસના રિમાન્ડ પૂરા થતા આરોપીને ચૂસ્ત પોલીસ બંદોબસ્ત વચ્ચે કોર્ટમાં રજૂ કરવામાં આવ્યો હતો અને આરોપીના વધુ ત્રણ દિવસના રિમાન્ડની માગ કરવામાં આવી હતી. કોર્ટે આરોપી હર્ષસાઈ ગુર્જરના વધુ બે દિવસના રિમાન્ડ મંજૂર કર્યાં છે.
પાંડેસરામાં મળી આવેલી બાળકી અને તેની માતાની હત્યા કરનારા આરોપી હર્ષસાઈને આજે ક્રાઈમ બ્રાન્ચ પોલીસે 11 દિવસના રિમાન્ડ પૂર્ણ થતાં કોર્ટમાં રજૂ કર્યો હતો.
આ ચર્ચિત કેસ હોવાથી પોલીસ ચુસ્ત બંદોબસ્ત સાથે હર્ષસાઈને કોર્ટમાં લઈ આવી હતી. પોલીસે 11 દિવસના રિમાન્ડ દરમિયાન અનેક બાબતોની તપાસ કરી હતી.
તપાસ કરતા આરોપીઓને ઝડપીને ગુનાના સ્થળ અને અન્ય સાક્ષીઓના નિવેદનો લીધા હતાં. સાથે જ મુખ્ય આરોપીની પત્નીની પણ પુછપરછ કરવામાં આવી હતી.
જોકે હજુ કેસમાં ખૂટતી કડીઓની તપાસ કરવાની બાકી હોવાનું કહી પોલીસ દ્વારા કોર્ટ સમક્ષ ત્રણ દિવસના રિમાંડ માંગવામાં આવ્યાં છે. રિમાંડ આપવાનો કોર્ટે સ્વીકાર્ય કર્યો છે.