શાબાશ / સુરત મનપાએ લીધો ગજબ નિર્ણય, સરકારી બાબુઓ હવે કામ કરતા થઈ જશે

સુરત મ્યુનિસિપલ કમિશનરે એક પરિપત્ર બહાર પાડ્યો છે, જેમાં હવેથી સુરત મનપાના કર્મચારીઓ કામના સમયે મોબાઇલ ફોનનો ઉપયોગ કરશે તો તેમની સામે શિક્ષાત્મક પગલા ભરવામાં આવશે. 

કામના સમયે સુરત મનપાના કર્મચારીઓ ચેટિંગમાં વ્યસ્ત હોવાની વાતો સામે આવી હતી, જેને લઇ નાગરિકોના કામો અટવાઇ રહ્યા હતા અને નાગરિકો દ્વારા આને લઇ અનેક ફરિયાદ કરવામાં આવી હતી. જેને લઇ સુરત મ્યુનિસિપલ કમિશનરે કડક પગલું ભર્યું છે.

ત્યારે સુરત મનપાના આ નિર્ણયને સલામ છે અને અન્ય મનપાઓ દ્વારા પણ આવો નિર્ણય લેવો જોઇએ. જેથી નાગરિકોના કામ જલ્દી થાય અને ક્યાંય અટવાય નહીં અને આ નિર્ણયથી કોર્પોરેશનના કર્મચારીઓ પણ મોબાઇલમાં મંડાયેલા રહેવાની જગ્યાએ કામ કરતા થશે.