દુર્ઘટના / સુરતની સચિન GIDCમાં આવેલ કેમિકલ ફેક્ટરીમાં ભભૂકી આગ, બિગ્રેડ કોલ જાહેર કરાયો

• સુરતની સચિન GIDCમાં કેમિકલ ફેક્ટરીમાં આગ
• અંબિકા ઇન્ડસ્ટ્રી નામની કેમિકલ ફેકટરીમાં લાગી આગ
• બિગ્રેડ કોલ જાહેર કરવામાં આવ્યો​

પ્રાપ્ત થતી જાણકારી પ્રમાણે સચિન GIDCમાં આવેલ અંબિકા ઇન્ડસ્ટ્રી નામની કેમિકલ ફેકટરીમાં અચાનક આગ ફાટી નીકળવાની ઘટના બની હતી. જેને પગલે તાત્કાલિક અસરથી 30થી વધુ ફાયર ફાયટર ઘટના સ્થળે આવી પહોંચ્યા હતા. જો કે, આગ વધારે વિકરાળ બનતી જતી હોવાથી સ્થિતિની ગંભીરતાને ધ્યાને લઇને બિગ્રેડ કોલ જાહેર કરવામાં આવ્યો છે. 

બિગ્રેડ કોલ જાહેર કરવામાં આવ્યો 

સચિન જીઆઇડીસી ખાતે આવેલી કેમિકલ બનાવતી ફેક્ટરીમાં લાગેલી આગને પગલે આસપાસના કારખાનામાં પણ આગ ફેલાવાનો ભય ઉભો થતાં ફાયર બ્રિગેડ દ્વારા યુધ્ધના ધોરણે હાથ ધરવામાં આવી છે. તો ઘટનાની ગંભીરતાને પગલે બિગ્રેડ કોલ જાહેર કરવામાં આવ્યો છે.

લોકોના માનસપટ પર ફરી તાજી થઇ તક્ષશિલા અગ્નિકાંડની ઘટના 

આપને જણાવી દઇએ કે, તક્ષશિલા અગ્નિકાંડ ઘટનાને હજી તો એક વર્ષ પણ પૂર્ણ થયું નથી ત્યાં આજે ફરીવાર એક ભયંકર આગની ઘટના બનતા સ્થાનિકોના માનસપટ પર તાજી થઇ હતી.