સુરત: ગુમ થયેલી સાડા ત્રણ વર્ષની બાળકીની મળી લાશ પાડોશીએ આચર્યું દુષ્કર્મ

સુરતના લિંબાયત વિસ્તારમાં ગુમ થયેલી સાડા ત્રણ વર્ષની બાળકીની લાશ મળી આવતા ચકચાર મચી છે. ગોદાદરા નજીક આવેલા બંધ મકાનમાંથી બાળકીની લાશ મળી આવી હતી. 

પોલીસ તપાસમાં સામે આવ્યું છે કે પાડોશમાં રહેતા 25 વર્ષના યુવાને જ બાળકી પર દુષ્કર્મ કર્યા બાદ તેની હત્યા કરી નાખી હતી. પાડોશીના મકાનમાંથી જ બાળકીની લાશ મળી આવતા પરિવારજનોનો આક્રોશ ભભૂક્યો છે. 

ઘચનાની જાણ થયા બાદ બાળકીની લાશને પોસ્ટમોર્ટમ માટે સુરતની સ્મીમેર હોસ્પિટલમાં ખસેડવામાં આવી છે. સૂત્રો દ્વારા મળતી માહિતી મુજબ પોલીસે આરોપીને અટકાયત કરી લીધી છે. આરોપી પરપ્રાંતિય હોવાથી ફરી એકવાર વિવાદ છંછેડાવાની પૂરી શક્યતા છે. 

જેને જોતા સુરત પોલીસ અત્યારથી સતર્ક થઈ ગઈ છે. ઉલ્લેખનીય છે કે રવિવારે સાંજથી મૂળ મહારાષ્ટ્રના પરિવારની બાળકી ગૂમ થઈ જતા પોલીસે 21 ટીમો બનાવી શોધખોળ શરૂ કરી હતી. 

પોલીસે સીસીટીવી ફૂટેજ તપાસવાની સાથે આસપાસના વિસ્તારના લોકોના નિવેદનો પણ લીધા હતા. મહત્વનું છે કે ગુમ થયેલી સાડા ત્રણ વર્ષની બાળકીની ગોદાદરા નજીક આવેલા બંધ મકાનમાંથી બાળકીની લાશ મળી આવી હતી. 

1 ક્લિક પર જોડાવો VTV ના સોશિયલ એકાઉન્ટ્સ સાથે...