ચકચાર / સુરતમાં ઘરકંકાસનો કરુણ અંત: ચિક્કાર દારૂના નશામાં ધૂત પતિએ પત્નીને ગળું દબાવી પતાવી દીધી 

• સુરતના રાંદેર વિસ્તારની ઘટના 
• દારૂડિયો પતિ બન્યો હત્યારો
• સ્થાનિક લોકોએ હત્યારા પતિને કાર્યો પોલીસના હવાલે  

સુરત શહેરના રાંદેર વિસ્તારમાં નશામાં ધૂત પતિએ પત્નીનું ગળું દબાવી હત્યા કરી નાખતા હાહાકાર મચી જવા પામ્યો છે. આ ઘટના બન્યા બાદ સ્થાનિક લોકોએ હત્યારા પતિને દબોચી લઇ પોલીસના હવાલે કર્યો હતો આથી પોલીસે આરોપી સામે હત્યાનો ગુનો નોંધી તપાસ હાથ ધરી છે.

દારૂડિયાની હરકત જાણી પોલીસે તાત્કાલીક ઝડપી પાડ્યો
સુરતમાં વધુ એક હત્યાની ઘટના સામે આવી છે. જેમાં  રાંદેર વિસ્તારમાં ચિક્કાર દારૂના નશામાં ધૂત પતિએ પત્નીનું ગળું દબાવી હત્યા કરી નાંખી હતી. જે અંગે સ્થાનિકોને જાણ થતાં  લોકો તેને માર મારી રહ્યા હતા. આ દરમિયાન ક્રાઇમ બ્રાન્ચની ટીમ મોડી સાંજે રાંદેર બોમ્બે કોલોનીમાંથી પસાર થઇ રહી હતી ત્યારે મહોલ્લાના લોકો એક વ્યક્તિને ફટકારી રહ્યા હતા. નશામાં ધૂત આ વ્યક્તિને ટોળાના મારથી બચાવ્યો હતો, પરંતુ ટોળાએ આ દારૂડિયાની હરકત જાહેર કરી હતી આથી પોલીસે તાત્કાલીક ઝડપી પાડ્યો હતો.

પતિ-પત્નીના ઝગડાનો કરુણ અંત
આ શખ્સે દારૂના નશામાં પત્ની સાથે ઝઘડો કરી તેનું ક્રૂરતાપૂર્વક ગળું દબાવી હત્યા કરી નાંખી હતી. મૃતકની લાશ તેના રૂમમાં જ પડી હતી અને આરોપી નશામાં મસ્તીથી ફરી રહ્યો હતો. પોલીસે તપાસ કરતાં આરોપીનું નામ પ્રકાશ વસાવા સામે અને તેની મૃતક પત્નીનું નામ ઉષાબેન હોવાનું જાણવા મળ્યું હતું. નાની મોટી મજૂરીકામ કરતા આ દંપતી વચ્ચે સતત ઝઘડાઓ થતાં રહેતા હતા બંને બાળકોને ઉષા અમરોલી ખાતે રહેતી તેની મોટી બહેન દક્ષા રાઠોડને ત્યાં છોડી આવ્યા હતા. આ દંપતી વચ્ચે ફરી ઉગ્ન ઝઘડો થયો હતો અને વાત હત્યા સુધી પહોંચી હતી.પતિ-પત્નીના ઝગડાનો કરુણ અંત આવતા હાલ આરોપી પતિની ધરપકડ કરી કાર્યવાહી હાથ ધરી છે.