સુરતમાં સીટી બસની હડફેટમાં 3ના મોત થતા અરેરાટી ફેલાઈ ગઈ હતી. વહેલી સવારે બસે બાઈક સવારને હડફેટે લીધો હતો. પિતા બે પુત્રોને લઈને શાળાઓ મૂકવા જઈ રહ્યા હતા ત્યારે આ અકસ્માત સર્જાતા ચકચાર મચી ગઈ હતી. મોટા પ્રમાણમાં લોકો એકઠાં થઈ ગયા હતા અને લોકોમાં આક્રોશ જોવા મળી રહ્યો હતો.
સીટી બસની અડફેટે 3ના મોત
બાઇક પર જઇ રહેલ પિતા અને 2 બાળકોનું મોત
એક બાળક ઇજાગ્રસ્ત થતા સારવાર માટે ખસેડ્યો
સુરતમાં વહેલી સવારે આજે સિટી ડ્રાઈવરની બેદરકારીના કારણે ત્રણ લોકોના મોત થયા છે. ડિંડોલી બ્રિજ પાસે સિટી બસના ડ્રાઈવરે ત્રણ લોકોને કચડ્યા હતા. અકસ્માતમાં બે બાળકો અને પિતાનું મોત થયુ છે.
શાળાએ જઈ રહ્યા હતા પિતા અને પુત્રો
શાળાએ જઈ રહેલા બાળકોને સિટી બસના ડ્રાઈવરે અડફેટે લીધા હતા. અકસ્માત થતા ઘટનાસ્થળે ત્રણેય લોકોના ઘટનાસ્થળે મોત થયા હતા. અકસ્માત બાદ મોટી સંખ્યામાં લોકો એકત્ર થયા હતા. સિટી બસના અકસ્માતને પગલે લોકોમાં રોષ જોવા મળી રહ્યો છે.