ચુકાદો / સુપ્રિમ કોર્ટ એક માટે રાહત સમાન તો શું બીજા માટે બનશે અંતિમ આશારૂપ!

તલાલા બેઠકનાં કોંગ્રેસનાં ધારાસભ્ય ભગવાન બારડને લોકસભા અને વિધાનસભા ચૂંટણી પહેલાં રાહત મળી છે. હાઈકોર્ટનાં ચુકાદા વિરુદ્ધ સુપ્રીમ કોર્ટના દ્વારા ખખડાવતાં ભગવાન બારડને એટલા માટે રાહત મળી છે કે, સુપ્રીમ કોર્ટે તલાલા વિધાનસભા બેઠકની ચૂંટણી અંગે ચૂંટણીપંચનાં જાહેરનામા પર હાલ પૂરતો સ્ટે મૂકી દીધો છે જેને ભગવાન બારડ પોતાની જીત તરીકે ગણાવી રહ્યાં છે.

અહીં બે તસવીરો ફળતી આશાઓ અને જાગતી આશાઓનાં પ્રતીકરૂપ છે. કેમ કે, સુપ્રીમ કોર્ટનું દ્વાર અંતિમ આશા જગાવતું હોય છે. ઉપરની પ્રથમ તસવીરમાં દેખાતા ભગવાન બારડને આજે સુપ્રીમમાંથી આશા ફળી છે. ગુજરાત હાઇકોર્ટે તલાલાનાં કોંગ્રેસનાં ધારાસભ્ય ભગા બારડની સસ્પેન્શન અને પેટાચૂંટણી રદ કર્યા બાદ આજે તેમને સુપ્રીમ કોર્ટમાંથી રાહત મળી છે.

તલાલા બેઠકને લઇને ચૂંટણી પંચનાં જાહેરનામા પર સુપ્રીમ કોર્ટે રોક લગાવી દીધી છે. જ્યારે બીજી તસવીર ઉગતી આશાની છે. ગુજરાત હાઈકોર્ટે હાર્દિક પટેલને દોષિત જાહેર કરતાં વિસનગર કોર્ટનાં ચુકાદા પર સ્ટે આપવાનો ઇન્કાર કર્યા બાદ હાર્દિક સુપ્રીમ કોર્ટમાં પહોંચ્યો હતો. હાર્દિકે સુપ્રીમમાં કરેલી અરજીમાં ગુજરાત હાઈકોર્ટનાં ચુકાદા પર રોક અને સજાને રદ કરવાની માંગ કરી હતી. જો કે આ અરજી હજુ સુપ્રીમ કોર્ટની રજીસ્ટ્રીમાં છે પણ તેનું રજીસ્ટ્રેશન થયું નથી.



ગુજરાત હાઇકોર્ટે તાલાલાના કોંગ્રેસના ધારાસભ્ય ભગા બારડની સસ્પેન્શન અને પેટાચૂંટણી રદ કર્યા બાદ આજે તેમને સુપ્રીમ કોર્ટમાંથી રાહત મળી છે. સુપ્રીમ કોર્ટે આજે ભગા બારડની અરજી પર સૂનાવણી કરતા મહત્વપૂર્ણ નિર્ણય સંભળાવ્યો હતો. તલાલા બેઠકને લઇને ચૂંટણી પંચના જાહેરનામા પર સુપ્રીમ કોર્ટે રોક લગાવી દીધી હતી. આ સાથે તલાલા બેઠક પર ચૂંટણી નહીં યોજાય.

અગાઉ ખનીજ ચોરીનાં જૂના એક કથિત કેસમાં ભગવાન બારડને નીચલી અદાલતે દોષિત ઠેરવતા ગુજરાત વિધાનસભાનાં અધ્યક્ષે તેમનુ ધારાસભ્ય રદ કર્યું હતું. ભાજપે અહીં પેટાચૂંટણી યોજવાના ભાગરૂપે જશા ભાણા બારડને ઉમેદવાર તરીકે જાહેર કરી દીધાં હતાં. ત્યારે આજે સુપ્રીમ કોર્ટે ભગવાન બારડની અરજી પર સુનાવણી કરતા ચૂંટણી પંચના જાહેરનામા પર રોક લગાવી છે.જેને ભગવાન બારડે અન્યાય સામે પોતાનો વિજય ગણાવ્યો હતો.  

તલાળાની પેટાચૂંટણી રદ કરી સુપ્રીમ કોર્ટે તલાળાનાં સસ્પેન્ડેડ ધારાસભ્ય ભગવાન બારડને મોટી રાહત આપી છે. ત્યારે ગીર સોમનાથ જિલ્લા કાર્યાલય ખાતે કોંગ્રેસનાં કાર્યકરોએ ફટાકડા ફોડી ઉજવણી કરી. કાર્યાલય ખાતે મોટી સંખ્યામાં કાર્યકર્તાઓ એકઠા થયાં હતાં અને ખુશી વ્યક્ત કરી હતી. ભગવાન બારડને સુપ્રીમ કોર્ટથી રાહત મળવાને મામલે કોંગ્રેસ નેતા અર્જૂન મોઢવાડિયાએ આ રીતે પોતાની પ્રતિક્રિયા આપી હતી.
 
ધારાસભ્ય ભગવાન બારડને સુપ્રીમ કોર્ટમાંથી રાહત રૂપી ન્યાય મળતાં હાર્દિક પટેલને પણ રાહત અને ન્યાયની આશા જાગી છે. એટલાં માટે જ ગુજરાત હાઈકોર્ટ દ્વારા હાર્દિક પટેલ દોષિત જાહેર કરતાં અને  વિસનગર કોર્ટનાં ચુકાદા પર સ્ટે આપવાનો ઇન્કાર સાંભળવા મળ્યાં બાદ હાર્દિક સુપ્રીમ કોર્ટમાં પહોંચ્યો છે. હાર્દિકે સુપ્રીમમાં કરેલી અરજીમાં ગુજરાત હાઈકોર્ટનાં ચુકાદા પર રોક અને સજાને રદ કરવાની માંગ કરી છે.

જો કે આ અરજી હજુ સુપ્રીમ કોર્ટની રજીસ્ટ્રીમાં છે પણ તેનું રજીસ્ટ્રેશન થયું નથી. આ અરજીનું રજીસ્ટ્રેશન થયાં બાદ હાર્દિક પોતાની અરજી પર સુનાવણી કરવા માટે માંગ કરશે. હાર્દિકે પોતાની અરજીમાં કહ્યું છે કે, ગુરૂવાર લોકસભા ચૂંટણી ફોર્મ ભરવાનો છેલ્લો દિવસ છે. જેથી સુપ્રીમ કોર્ટ હાઈકોર્ટનાં ચુકાદા પર રોક લગાવે. ત્યારે હવે જોવાનું એ રહેશે કે, ભગવાન બારડ જેમ હાર્દિક પટેલને પણ રાહત મળશે કે કેમ?