- મહારાષ્ટ્રના મુખ્યમંત્રી એકનાથ શિંદેની ખુરશી પર જોખમ
- બળવા બાદ કોર્ટમાં કરાઈ હતી અરજી
- આ અઠવાડિયે કોર્ટ દ્વારા અપાઈ શકે છે ચુકાદો
મહારાષ્ટ્રનું રાજકારણ વધુ એક વખત ચર્ચાના ચકડોળે ચડ્યું છે. જેમાં મુખ્યમંત્રી એકનાથની શિંદેની ખુરશી ખતરામાં હોય તેવા અણસાર વર્તાઈ રહ્યા છે. જેને લઈને મહારાષ્ટ્રના રાજકારણમાં ખળભળાટ મચી ગયો છે. એવી પ્રબળ શક્યતા સેવાઇ રહી છે કે મુખ્યમંત્રી તરીકેની આ ખુરશી પર અજિત પવાર, દેવેન્દ્ર ફડણવીસ અને સુપ્રિયા સુલે તથા જયંત પાટીલ તેમજ રાધાકૃષ્ણ સહિતના નેતાઓમાંથી કોઈ એક બેસી શકે છે. આવી સ્થિતિમા સુપ્રીમ કોર્ટ હવે ગમે તે ઘડીએ ચુકાદો આપી શકે છે આથી સમગ્ર દેશના મીટ આ સતા સંઘર્ષ પર મંડાઇ છે.
વિધાનસભાના ઉપાધ્યક્ષ દ્વારા સસ્પેન્શનની નોટિસ અપાઈ હતી
એકનાથ શિંદે અને શિવસેનાના 40 ધારાસભ્યોના પોતાના પક્ષમાંથી બળવો કરી અને ભાજપ સાથે હાથ મિલાવી સરકાર બનાવવા વિરુદ્ધ સુપ્રીમ કોર્ટમાં એક અરજી દાખલ કરવામાં આવી હતી. જેમાં કોર્ટ દ્વારા બને પક્ષના મંતવ્ય સાંભળી અને નિર્ણય સુરક્ષિત રાખવામાં આવ્યો હતો. ત્યારબાદ હવે આ અઠવાડિયે કોર્ટ પોતાનો ચુકાદો આપી શકે છે. તેવું નિષ્ણાતો માની રહ્યા છે. મુખ્યમંત્રી એકનાથ શિંદે સહિત 16 ધારાસભ્યોને વિધાનસભાના ઉપાધ્યક્ષ દ્વારા સસ્પેન્શનની નોટિસ અપાઈ હતી. જેને તમામ ધારાસભ્ય દ્વારા સુપ્રીમ કોર્ટમાં પડકારવામાં આવી હતી
કોર્ટ દ્વારા અપાતો આ નિર્ણય સીએમ શિંદે તરફેણમાં નહીં આવે તો તેમની ખુરશી ચોક્કસ જઈ શકે છે. રાજ્યના અનેક નેતાઓ અને તેના સમર્થકો ની નજર પણ સીએમ તરીકેની આ ખુરશી પર અટકેલી છે જેમાં કેટલાક સમયથી માત્ર પાંચ નેતાઓના જ ભાવી મુખ્યમંત્રી તરીકે નામ ચર્ચા રહ્યા છે. ખાસ વાત તો એ છે કે તેમના પોસ્ટર પણ લગાવવામાં આવી રહ્યા છે.
મહારાષ્ટ્રના રાજકારણમાં સોપો પડી ગયો
શિવસેનાના 40 ધારાસભ્યો અને એકનાથ શિંદેએ કરેલા બળવાથી મહારાષ્ટ્રના રાજકારણમાં સોપો પડી ગયો હતો અને તેને મહારાષ્ટ્રના રાજકારણના ઇતિહાસનો સૌથી મોટો બળવો પણ કહેવામાં આવી રહ્યો છે. શિંદેના આ પગલાને લઈને તેઓ પીએમ મોદી અને ગૃહ મંત્રી અમિત શાહના માનીતા બની ગયા હતા. શિંદે અને અમિત શાહ વચ્ચે શાનદાર ટ્યુનિંગ હોવાના પણ બીજેપી અને શિવસેનાના નજીકના સૂત્રો કહી રહ્યા છે કે ત્યારે હવે આ સમાચારને લઈને કોર્ટના નિર્ણય બાદ શિંદેને વિધાનસભા પરિષદના સભ્ય બનાવીને મુખ્યમંત્રી બનાવવામાં આવી શકે છે.
