સુપ્રીમ કોર્ટમાં દાખલ અરજીમાં કહેવામાં આવ્યું છે કે મીડિયા, ચેનલો અને નેટવર્કની સામેની ફરિયાદો માટે મીડિયા ટ્રિબ્યુનલની રચના કરવી જોઈએ.
સુપ્રીમ કોર્ટે કેન્દ્ર સરકારને ફટકારી નોટિસ
મીડિયા ટ્રિબ્યુનલની રચના મુદ્દે પહેલા જ ફટકારી છે નોટિસ
અભિવ્યક્તિનો અધિકાર એક જટિલ અધિકાર છે : અરજીકર્તા
સુપ્રીમ કોર્ટ દ્વારા આ મામલે કેન્દ્ર સરકારને પહેલેથી જ નોટિસ ફટકારવામાં આવી છે.સુપ્રીમ કોર્ટે ફેક ન્યુઝ અને નફરતની સામગ્રીને ફેલાતી અટકાવવા માટે રેગ્યુલેટ કરીને કાયદા ઘડવાની અરજીની સુનાવણી દરમિયાન કેન્દ્ર સરકાર અને અન્ય લોકોને નોટિસ ફટકારી છે.મીડિયા, ચેનલો અને નેટવર્ક સામેની ફરિયાદો માટે મીડિયા ટ્રિબ્યુનલની રચના થવી જોઈએ આ મામલે કેન્દ્રને પહેલાથી જ એક નોટિસ મોકલાઈ ચૂકી છે.
જે ફેક ન્યુઝ ફેલાવવા માટે જવાબદાર તેના પર થાય કાર્યવાહી : અરજીકર્તા
સુપ્રીમ કોર્ટમાં અરજદાર એડવોકેટ વિનીત જિંદાલ દ્વારા દાખલ કરવામાં આવેલી અરજીમાં કહેવામાં આવ્યું છે કે કેન્દ્ર સરકારને કાયદાના નિર્દેશ માટે કહેવામાં આવ્યું છે. અરજદારે કહ્યું છે કે જે સોશ્યલ મીડિયા પ્લેટફોર્મ પર નફરત વાળા ફેક ન્યુઝ ફેલાવવા માટે જવાબદાર છે તેની સામે કાર્યવાહી થવી જોઇએ. અરજીમાં કહેવામાં આવ્યું છે કે આવી કોઈ વ્યવસ્થા હોવી જોઈએ કે ફેક ન્યુઝ ટૂંક સમયમાં જ દૂર કરવામાં આવે.
અરજીમાં જણાવવામાં આવ્યું છે કે અભિવ્યક્તિનો અધિકાર એક જટિલ અધિકાર છે અને તેમાં વાજબી પ્રતિબંધ પણ છે. આ કોઈ પૂર્ણ અધિકાર નથી અને જવાબદારી પણ આ અધિકાર સાથે નિશ્ચિત કરવામાં આવી છે. પરંપરાગત મીડિયા કરતા સોશિયલ મીડિયાની પહોંચ ઘણી વધારે છે. સોશિયલ મીડિયાના ખોટા ઉપયોગનો ઉપયોગ કરીને ઘણી વાર હિંસા થઈ છે.
સ્વતંત્ર મીડિયા ટ્રિબ્યુનલની રચના માટે ફટકારાઇ છે નોટિસ
સુપ્રીમ કોર્ટે કેન્દ્ર સરકાર, પ્રેસ કાઉન્સિલ ઓફ ઈન્ડિયા અને NBA ને મીડિયા, ચેનલો અને નેટવર્ક વિરુદ્ધ ફરિયાદો સાંભળવા માટે એક સ્વતંત્ર મીડિયા ટ્રિબ્યુનલની રચના કરવાની અરજીનો જવાબ ફાઇલ કરવા જણાવ્યું હતું. 25 જાન્યુઆરીએ સુપ્રીમ કોર્ટના ચીફ જસ્ટિસ એસ.એ. બોબડેની અધ્યક્ષતાવાળી ખંડપીઠ સમક્ષ કરવામાં આવેલી અરજીમાં કહેવામાં આવ્યું છે કે મીડિયા વ્યાપારના નિયમોને લગતા તમામ કાનૂની પાસાંઓ પર નજર રાખવા અને માર્ગદર્શિકા સૂચવવા સુપ્રીમ કોર્ટના પૂર્વ ચીફ જસ્ટિસ અથવા જસ્ટિસના નેતૃત્વ હેઠળ રચના થવી જોઈએ.