સાઉથ અને હિન્દી ફિલ્મ ઈન્ડસ્ટ્રીમાં અત્યારે શાબ્દિક જંગ છેડાઈ ગયો છે. બંને પોતાને બહેતર બનાવવામાં જોડાયા છે. આ બંને ઈન્ડસ્ટ્રી એકબીજા સાથે એટલી હદે ભીડી ગઇ છે કે સતત કલાકારો આ ચર્ચામાં જોડાઈ રહ્યાં છે. અત્યારે સાઉથની બોલબાલા છે, તો બોલીવુડ પણ તેમાં પાછુ પડે એવુ નથી.
બોલીવુડ વિરુદ્ધ સાઉથ ઈન્ડસ્ટ્રી પર છેડાયેલા વિવાદ પર સુનીલ શેટ્ટીની પ્રતિક્રિયા
સાઉથની ફિલ્મો આજના સમયમાં બૉલીવુડ ફિલ્મોથી વધુ કમાણી કરી રહી છે. થોડા દિવસ પહેલા સાઉથ સિનેમાના સુપરસ્ટાર મહેશ બાબુએ બોલીવુડ ડેબ્યુને લઇને વિવાદીત નિવેદન આપ્યું હતુ અને કહ્યું હતુ કે બૉલીવુડ મને એફોર્ડ કરી શકતુ નથી. હવે સુનીલ શેટ્ટી આ ચર્ચામાં કૂદી પડ્યા છે. તેમણે બોલીવુડ વિરુદ્ધ સાઉથ ઈન્ડસ્ટ્રી પર છેડાયેલા વિવાદ પર પ્રતિક્રિયા આપી છે.
આપણે ભારતીય છીએ: સુનીલ શેટ્ટી
સુનીલ શેટ્ટીએ એક ન્યુઝ ચેનલ સાથેની વાતચીતમાં કહ્યું, મને લાગે છે કે બોલીવુડ વિરુદ્ધ સાઉથ ઈન્ડસ્ટ્રીના સીન સોશિયલ મીડિયામાં ક્રિએટ કરવામાં આવ્યાં છે. અમે ભારતીય છીએ અને જો ઓટીટી પ્લેટફોર્મને જોવામાં આવે તો ત્યાં ભાષા મહત્વની નથી. કન્ટેન્ટ મહત્વનું છે. આ જ રીતે બોલીવુડ વિરુદ્ધ સાઉથ ઈન્ડસ્ટ્રીનો ફરક આ છે. હું પણ સાઉથમાંથી આવુ છુ. પરંતુ મારી કર્મભૂમિ મુંબઈ છે તેથી હું મુંબઈવાસી તરીકે ઓળખાવુ છુ.
ઑડિયન્સ નક્કી કરશે કે ફિલ્મ જોવી કે નહીં: સુનીલ શેટ્ટી
સુનીલ શેટ્ટીએ વધુમાં કહ્યું કે વાસ્તવિકતા એ છે કે ઑડિયન્સ આ નિર્ણય લઇ રહી છે કે કઈ ફિલ્મ તેઓએ જોવી જોઈએ અથવા કઈ ફિલ્મ તેઓએ ના જોવી જોઈએ. મારી પરેશાની એક જ છે કે આપણે ક્યાકને ક્યાક ઑડિયન્સને ભૂલી ચૂક્યા છે. તેને યોગ્ય રીતે કેટર કરી શકતા નથી. સિનેમામાં હંમેશા મને લોકો કહે છે કે સિનેમા હોય કે ઓટીટી, બાપ, બાપ રહેશે અને પરિવારના સભ્યો હંમેશા પરિવારના સભ્યો રહેશે. સુનીલ શેટ્ટીએ છેલ્લે કહ્યું કે 70 ટકા ભારતમાં ઑડિયન્સ એવી છે, જે થિયેટરોમાં સારા કન્ટેન્ટને જોઇને સીટી વગાડે છે. હીરોનો શૉટ, બેક શૉટ હોય છે. હાઈ સ્પીડ વૉક હોય છે. મને લાગે છે કે આપણે કન્ટેન્ટ પર કામ કરવુ જોઈએ. બોલીવુડ હંમેશા બોલીવુડ જ રહેશે અને ભારતને જોઈશુ તો બોલીવુડના હીરોને ઓળખી જ લેશે. આ સમયને જોઇને સવાલ ઉઠી રહ્યાં છે. આ એક એવો પ્રવાસ છે, જ્યાં તમારે બીજી વખત વિચારવાનુ છે અને સારું કન્ટેન્ટ આપવાનુ છે.