રવિવારે એશિયા કપ અંડર 19 ફાઇનલમાં ભારતે બાંગ્લાદેશને 5 રનથી હરાવીને ટાઇટલ પોતાના નામે કર્યુ. ભારતની જીતમાં 18 વર્ષના અર્થવ વિનોદ અંકોલેકરનો મોટો ફાળો હતો. લેફ્ટ હેન્ડ બૉલર સ્પિનરે કોલંબોના આર. પ્રમેદાસા સ્ટેડિયમમાં 28 રન આપીને 5 વિકેટ પોતાના નામે કરી.
ભારતીય ટીમે ટૉસ જીતીને પહેલા બેટિંગ કરવાનો નિર્ણય કર્યો. ટીમ બેટિંગમાં અસફળ રહી અને 32.4 ઑવર્સમાં માત્ર 106 રન કરી શકી. આ સ્કોર મોટો ન હતો, પરંતુ અર્થવની શાનદાદર બૉલિંગને કારણે બાંગ્લાદેશની ટીમ 101 રનમાં ઑલઆઉટ થઇ ગઇ. અર્થવને તેના ફોર્મને કારણે મેન ઑફ ધ મેચનું ટાઇટલ આપવામાં આવ્યુ. લેફ્ટ હેન્ડના બૉલર આકાશ સિંહે પણ 3 વિકેટ પોતાના નામે કરી.
મુંબઇના મધ્યમવર્ગીય પરિવારમાંથી આવે છે અર્થવ:
અથર્વના પિતા વિનોદનું નવ વર્ષ પહેલા 2010માં નિધન થઈ ગયું હતું. પિતાના મૃત્યુ પછી તેમના માતા વૈદેહી અંકોલેકરે જ અર્થવનો ઉછેર કર્યો. શરૂઆતના દિવસોમાં બાળકોને ટ્યૂશન કરાવીને તેઓ ઘર ચલાવતા હતા, પરંતુ બાદમાં પતિની જગ્યાએ મુંબઈની બેસ્ટ બસમાં નોકરી મળી ગઈ. ગયા મહિને જ્યારે અથર્વની ભારતીય ટીમમાં પસંદગી થઈ ત્યારે તેની માતાને આશરે 40 હજાર લોકોએ શુભેચ્છા સંદેશ મોકલ્યા હતા. 18 વર્ષીય અથર્વ મુંબઈની રિજવી કોલેજમાં સેકન્ડ યરમાં અભ્યાસ કરે છે.
સચિન તરફથી મળી હતી ભેટ:
અર્થવના ક્રિકેટ કરિયરમાં 2010માં સૌથી મોટો ટર્નિગ પૉઇન્ટ આવ્યો. મુંબઇમાં એક પ્રેક્ટિસ સેશન દરમિયાન સચિન તેંડુલકરની બૉલિંગ કરી હતી. સચિન તેના ફોર્મથી એટલો પ્રભાવિત થયો હતો કે તેણે ઓટોગ્રાફ કરીને ગ્લવ્સ ગિફ્ટ કર્યા હતા. અર્થવે એક ઇન્ટરવ્યૂમાં જણાવ્યુ હતુ કે, ''જ્યારે હું નાનો હતો ત્યારે મારા પિતા મારા માટે ભેટમાં બેટ લઈને આવતા હતા, પરંતુ બાદમાં તેઓ ક્રિકેટનો બીજો સામાન પણ લઈને આવવા લાગ્યા. ''
એશિયા કપ અંડર 19માં શાનદાર ફોર્મ કર્યુ:
અથર્વ ઈન્ડિયા અંડર-19 ટીમ માટે અત્યાર સુધી કુલ સાત મેચ રમ્યો છે અને 15 વિકેટ લીધી છે. અંડર-19 એશિયા કપ તેના માટે સારો રહ્યો છે.