બિહારના બેગૂસરાયમાં ગુરુ શિષ્ય વચ્ચેના સંબંધને શર્મસાર કરતો મામલો સામે આવ્યો છે. અહીં શિક્ષક પર ગંભીર આરોપ લાગ્યો છે.
શિક્ષકે વટાવી હેવાનિયતની હદ
વિદ્યાર્થી સાથે કર્યુ હેવાનિયતભર્યુ કૃત્ય
આરોપી શિક્ષકને કર્યો જેલ ભેગો
12 વર્ષના એક વિદ્યાર્થી વિદ્યાર્થીના પરિવારનું કહેવુ છે કે ટીચરે તેના દિકરાના પાછળના હિસ્સામાં ઇસ્ત્રી ચાંપી દીધી હતી. આ પ્રકારનો ગંભીર આરોપ લગાવ્યો છે અને મામલો પોલીસ સ્ટેશન પહોંચ્યો છે.
વિદ્યાર્થી સાથે દરિંદગી
કોરોનાકાળમાં ઘટેલી આ ઘટનાએ પરિવાર અને સ્થાનીય લોકોમાં ગુસ્સો વધાર્યો છે. રિપોર્ટ પ્રમાણે આ ઘટના શનીવારની છે. સોમવારે બાળક જ્યારે પોતાના ઘરે આવ્યો ત્યારે પરિવારને આ ભયાનક કૃત્યની જાણકારી થઇ હતી. બાદમાં સ્કૂલ પહોંચીને હંગામો કરતા પોલીસ આવી હતી અને આરોપી શિક્ષકની ધરપકડ કરી હતી.
હોસ્ટેલમાં રહેતો હતો છોકરો
પીડિત વિદ્યાર્થી પીસી હાઇસ્કુલની હોસ્ટેલમાં રહેતો હતો. સ્કૂલમાં લૉકડાઉન વચ્ચે પણ ભણતર ચાલુ હતુ અને પીડિત છોકરાના પરિવારનું કહેવુ છે કે તેમણે લૉકડાઉનમાં શિક્ષક ચંદનકુમારની દેખરેખ હેઠળ રાખ્યો હતો. ત્યાં જ તેનું ભણવાનું ચાલી રહ્યું છે.
ગયા શનિવારે કોઇ વાતને લઇને શિક્ષકને ગુસ્સો આવી ગયો અને કપડા પ્રેસ કરવાની ઇસ્ત્રી લઇને ગરમ કરી બાળકના પાછળના હિસ્સા પર ચાંપી દીધી હતી.
નામ કેન્સલ કરવાની આપી હતી ધમકી
વિદ્યાર્થીએ પોતાની માતાને કહ્યું કે હોસ્ટેલમાં શિક્ષકે ઇસ્ત્રી ગરમ કરી અને ચાંપી દીધી હતી. જ્યારે તેને વધારે તકલીફ થઇ તો તેનો ઇલાજ કરાવતો રહ્યો અને કહ્યું કે આ વાત જો તેના પરિવારને કહેશે તો હોસ્ટેલમાંથી તેનું નામ કેન્સલ કરી દેશે. બાદમાં પોલીસ સ્ટેશનમાં ફરિયાદ કરી અને કોર્ટે આરોપી શિક્ષકને જેલ ભેગો કરી દીધો છે.