કાર્યવાહી / ગુજરાત HCની ઝાટકણી બાદ આજથી અમદાવાદમાં રખડતા ઢોર દેખાયા તો કરાશે કડક કાર્યવાહી, મનપા એક્શનમાં

• અમદાવાદમાં આજથી ઢોર પૉલિસીનો કડક અમલ 
• ઢોર રસ્તા પર રખડતા જોવા મળશે તો કરવામાં આવશે કાર્યવાહી
• પશુ માલિક પાસે લાયસન્સ નહિ હોય તો ઢોરને શહેર બહાર ખસેડવામાં આવશે 
• ગુજરાત હાઈકોર્ટ દ્વારા ઝાટકણી કાઢ્યા બાદ અમદાવાદ મહાનગરપાલિકા એક્શનમાં 

Cattle Control Bill : અમદાવાદમાં આજથી ઢોર પૉલિસીનો કડક અમલ કરવામાં આવશે. વાત જાણે એમ છે કે, ગુજરાત હાઈકોર્ટ દ્વારા ઝાટકણી કાઢ્યા બાદ હવે અમદાવાદ મહાનગરપાલિકા  એક્શનમાં મોડમાં આવ્યું છે. જેથી હવે આજથી શહેરમાં ઢોર રસ્તા પર રખડતા જોવા મળશે તો કાર્યવાહી કરવામાં આવશે. આ સાથે પશુ માલિક પાસે લાયસન્સ નહિ હોય તો ઢોરને શહેર બહાર ખસેડવામાં આવશે. 

ઢોર પોલિસીનો શહેરમાં થશે ચુસ્ત અમલ
પશુત્રાસ અટકાવ અને નિયંત્રણ પોલીસી-2023 અંતર્ગત અમદાવાદ શહેરમાં પશુ રાખવા લાયસન્સ-પરમિટ મેળવવી આવશ્યક છે. જેથી હવે આજથી રસ્તા પર લાયસન્સ વિનાના રખડતા ઢોર જોવા મળશે તો જપ્ત કરાશે. આ સાથે જો કોઇ પણ પશુ માલિક પાસે લાયસન્સ નહી હોય તો ઢોર શહેર બહાર ખસેડાશે. મહત્વનું છે કે, હાઇકોર્ટની ઝાટકણી બાદ હવએ આજથી AMC ઢોર પોલિસીનો ચુસ્ત અમલ કરશે. 

અગાઉ અપાઈ હતી અંતિમ ચેતવણી 
અમદાવાદ શહેરમાં હવે પશુ રાખવા લાયસન્સ લેવું પડશે. જેને લઈ અગાઉ પણ જાણ કર્યા બાદ હવે દિવાળીના તહેવારો બાદ ફરી એકવાર અંતિમ નોટિસ આપવામાં આવી હતી. આ નોટિસમાં જેમની પાસે જગ્યા નથી તેમણે પશુને શહેરની બહાર લઈ જવા પડશે તેવું જ જણાવાયું હતું. મહત્વનું છે કે, હવે જો પશુમાલિકો પશુ માટે લાયસન્સ નહીં લે તો મનપા કાર્યવાહી કરશે. 

મેગા સિટી અમદાવાદમાં પણ રખડતાં ઢોરોની ત્રાસ સતત વધી રહ્યો છે. જેને લઈ તાજેતરમાં તંત્ર દ્વારા પશુત્રાસ અટકાવ અને નિયંત્રણ પોલીસી-2023ને અમલમાં મૂકી હતી. મહત્વનું છે કે, આ પશુત્રાસ અટકાવ અને નિયંત્રણ પોલીસી-2023 અંતર્ગત અમદાવાદ શહેરમાં પશુ રાખવા લાયસન્સ-પરમિટ મેળવવી આવશ્યક છે. જોકે હજી સુધી કેટલાય પશુપાલકોએ આ આકાર્યવાહી કરી ન હોવાથી મનપા દ્વારા અંતિમ નોટિસ જાહેર કરાઇ હતું. 

શું કહ્યું અંતિમ નોટિસમાં ? 
પશુત્રાસ અટકાવ અને નિયંત્રણ પોલીસી-2023 અંતર્ગત અમદાવાદ શહેરમાં પશુ રાખવા લાયસન્સ-પરમિટ મેળવવી આવશ્યક છે. જે અંતગર્ત પશુ રાખવા માટે નિયમાનુસાર કબ્જા માલિકી/ભોગવટાની જગ્યા ન ધરાવતા પશુપાલકો/પશુમાલિકોને પોતાના પશુ અમદાવાદ શહેરની હદ બહાર તાકીદે ખસેડી લેવા અંતિમ ચેતવણી આપવામાં આવી છે.