Share Market / ફરી વાર શેર માર્કેટમાં જોરદાર તેજી, જુઓ સેન્સેક્સ-નિફ્ટીમાં કેટલાં અંકનો સંગીન ઉછાળો

• શેરબજારમાં ફરી આવી લાલચોળ તેજી
• સેન્સેક્સ 400 અંકના ઉછાળા સાથે 53,800 ને પાર
• NIFTY પણ 16,100 ને પાર

સ્થાનિક શેરબજારમાં આજે રિકવરીના સંકેત દેખાઈ રહ્યાં છે અને પ્રી-ઓપનિંગમાં બજારની તેજીથી જ એ સ્પષ્ટ થઈ ગયું છે કે, આજે શેરબજારમાં ભારે તેજી સાથે શરૂઆત થશે. વૈશ્વિક બજારોની વાત કરીએ તો આજે એશિયન બજારો પણ સારી મજબૂતી સાથે કારોબાર કરી રહ્યાં છે. ગઈ કાલે પણ સ્થાનિક શેરબજાર સારી ગતિ સાથે બંધ થયું હતું.

કેવું રહ્યું માર્કેટનું ઓપનિંગ?

આજે સ્થાનિક શેરબજારની શરૂઆત પર જો નજર કરીએ તો સેન્સેક્સ 369 પોઈન્ટના વધારા બાદ 53,793 પર ખુલ્યો હતો અને નિફ્ટીમાં 65 પોઈન્ટના મામૂલી વધારા બાદ 16,078 પર ટ્રેડિંગની શરૂઆત થઇ હતી. આજે બજારમાં કારોબાર ખુલતાની સાથે જ સેન્સેક્સ ફરી એક વાર લાલ નિશાનમાં સરકી ગયો હતો પરંતુ તુરંત તેજીના લીલા નિશાન પર આવી ગયો હતો.

જાણો Nifty ની કેવી છે હાલત?

Nifty ની સ્થિતિ જો જોઈએ તો 50માંથી 15 શેરોમાં લાલ નિશાન સાથે વેપાર થઈ રહ્યો છે અને 35 શેરોમાં તેજીના લીલા નિશાન સાથે ટ્રેડિંગ થઈ રહ્યું છે. આજના ટ્રેડિંગમાં નિફ્ટી શરૂઆતની મિનિટોમાં 15,990ની નીચી સપાટીએ ગયો હતો અને ઉપલા સ્તરોમાં 16,082ના સ્તરે આવી ગયો હતો. આજે બેંક નિફ્ટીમાં 33,106ના સ્તરે કારોબાર જોવા મળી રહ્યો છે અને તે 51 પોઈન્ટના ઘટાડા પર છે.

જુઓ સેક્ટોરિયલ ઈન્ડેક્સ

આજના વેપારમાં બેંક નિફ્ટી, મેટલ અને ખાનગી બેંકોને છોડીને બાકી તમામ સેક્ટોરિયલ ઈન્ડેક્સ તેજીના લીલા નિશાનમાં ટ્રેડ થઈ રહ્યાં છે. જો આપણે તેજીવાળા ક્ષેત્રો પર નજર કરીએ તો મીડિયા શેરોમાં સૌથી વધુ 2.4 ટકાનો ઉછાળો જોવા મળી રહ્યો છે. હેલ્થકેર ઇન્ડેક્સ 1.42 ટકા અને આઇટી શેર 1.35 ટકા ઉપર છે. ફાર્મા શેર 1.30 ટકા ઉપર છે. એ સિવાય ઓટો, કન્ઝ્યુમર ડ્યુરેબલ્સમાં પણ તેજી પર કારોબાર થઈ રહ્યો છે.

પ્રી-ઓપનિંગમાં બજાર

પ્રી-ઓપનિંગમાં આજે બજારની ચાલ જોઇએ તો તેમાં સારી એવી તેજી જોવા મળી રહી છે. BSE ના 30 ટકા શેરોવાળા ઇન્ડેક્સ સેન્સેક્સ બજાર ખુલતા પહેલાં  374 અંક એટલે કે, 0.70 ટકાની તેજી સાથે 53,798 પર ટ્રેડ કરી રહ્યો હતો. તો NSE ના 50 શેરોવાળા ઇન્ડેક્સ નિફ્ટી 64.50 અંકોની તેજી સાથે 16,078 પર ટ્રેડ દેખાઇ રહ્યો હતો.