બજારમાં મોટો ઘટાડો / સેન્સેક્સમાં 504 પોઇન્ટનો ઘટાડો, નિફ્ટી 11450ની નીચે

• કમજોર વૈશ્વિક સંકેતોની ભારતીય શેયર બજારો પર અસર 
• સેન્સેક્સ અને નિફ્ટીમાં મોટો ઘટાડો
• સેન્સેક્સ 500 પોઇન્ટથી વધારે તુટીને 38560.42ના સ્તરે 

કારોબારમાં બેન્ક અને ઓટો શેયરોમાં વેચવાલી દેખાઇ રહી છે. એસબીઆઇ અને ટાટા મોટર્સ 5 ટકા જેટલા તુટ્યા છે. યુએસમાં પ્રેસિડેન્ટ ટ્રમ્પ વિરુદ્ધ મહાભિયોગની પ્રક્રિયા શરૂ થવાના સમાચારથી મંગળવારે અમેરિકી શેયર બજાર મોટા ઘટાડા સાથે બંધ થયો. તેની અસર દુનિયાભરના બજારો પર જોવા મળી રહી છે. 

નિફ્ટી પર તમામ સેક્ટોરલ ઇન્ડેક્સમાં ઘટાડો છે. બેન્ક અને ઓટો શેયર્સમાં ભારે ઘટાડો નોંધાયો છે. જ્યારે સેન્સેક્સની 30 કંપનીઓમાંથી 23 લાલ નિશાનમાં ચાલી રહી છે. નિફ્ટીની મોટાભાગની કંપનીઓમાં પણ ઘટાડો જોવા મળી રહ્યો છે. મીડિયા રિપોર્ટ્સ અનુસાર યૂએસના પ્રતિનિધ સભાના સ્પીકર નેન્સી પલોસીએ રાષ્ટ્રપતિ ડોનાલ્ડ ટ્રમ્પ વિરુદ્ધ મહાભિયોગની પ્રક્રિયા શરૂ કરવાની જાહેરાત કરી છે.

ડેમોક્રેટ્સ દ્વારા તેમની વિરુદ્ધ ઔપચારિક રીતે મહાભિયોગની પ્રક્રિયા શરૂ કરી દેવાઇ છે. વાત કરી ભારતીય રૂપિયાની, તો રૂપિયો આજે 7 પૈસા કમજોર બની ખુલ્લો. રૂપિયા 71 રૂપિયા પ્રતિ અમેરિકી ડોલરના મુકાબલે 71.07 રૂપિયા પ્રતિ અમેરિકી ડોલર પર ખુલ્યો. 

ટોપ ગેનર્સ : પાવરગ્રિડ, NTPC, TCS, HCL ટેક, ટેક મહિન્દ્રા 
ટોપ લૂજર્સ : ટાટા મોટર્સ, મહિન્દ્રા એન્ડ મહિન્દ્રા, SBIN, મારૂતિ, ટાટા સ્ટીલ

બે દિવસ તેજી બાદ મંગળવારે શેયર બજાર ફ્લેટ બંધ રહ્યો. BSEનો સેન્સેક્સ 7 પોઇન્ટના વધારા સાથે 39097 ના સ્તરે અને નિફ્ટી 12 પોઇ્ન્ટના ઘટાડા સાથે નિફ્ટી 11588ના સ્તરે બંધ થયો. નિફ્ટી પર હાજર 11માંથી માત્ર 3 સેક્ટોરલ ઇન્ડેક્સ (FMCG, IT અને મીડિયા) માં તેજી રહી.