અરબી સમુદ્ર પાસે ચોમાસાની ગતિ નબળી પડી છે. આ રીતે દેશના વિવિધ ભાગોમાં પહોંચવામાં 6 દિવસનો વિલંબ થયો છે. ચોમાસું નબળું પડવાને કારણે આ સિઝનમાં દેશભરમાં વરસાદમાં 38 ટકાની ઘટ રહી છે. હવામાન ખાતાના એક અધિકારીએ જણાવ્યું હતું કે, "મધ્ય ભારતમાં આ વખતે ચોમાસાની પેટર્ન બદલાઈ હોવાનું જણાય છે. એન્ટી સાયક્વોનની હાજરી ચોમાસા માટે સારી નિશાની નથી.
i) Intense spell of rainfall likely to continue over Northeast India and Sub-Himalayan West Bengal & Sikkim during next 5 days.
ii) Heat Wave Conditions in isolated pockets over Northwest, Central & adjoining East India during next 3-4 days. pic.twitter.com/4wfAA0a5aJ
— India Meteorological Department (@Indiametdept) June 6, 2022
પાકિસ્તાન તરફથી ફૂંકાતા સૂકા અને ગરમ પશ્ચિમી પવનોને કારણે ઉત્તર-પશ્ચિમ ભારતના કેટલાક ભાગોમાં ગુરુવાર સુધી 'લૂ' ચાલુ રહેવાની શક્યતા છે. હવામાન વિભાગના જણાવ્યા અનુસાર, ઉત્તર પ્રદેશના બાંદા અને ફતેહગઢ દેશના સૌથી ગરમ સ્થળો હતા, જ્યાં મહત્તમ તાપમાન અનુક્રમે 46.8 ડિગ્રી સેલ્સિયસ અને 46.4 ડિગ્રી સેલ્સિયસ નોંધાયું હતું. રાજસ્થાનના શ્રી ગંગાનગરમાં તાપમાનનો પારો મહત્તમ 46.3 ડિગ્રી સેલ્સિયસને સ્પર્શ્યો હતો, જ્યારે મધ્ય પ્રદેશના ખજુરાહો અને નૌગાંવમાં મહત્તમ તાપમાન 46 ડિગ્રી સેલ્સિયસ નોંધાયું હતું.
પંજાબ-ઉત્તરાખંડમાં ગુરુવાર સુધી હીટ વેવની આગાહી
ભારતીય હવામાન વિભાગ (IMD) એ જણાવ્યું કે પંજાબ, ઉત્તરાખંડ, હરિયાણા અને દિલ્હીમાં ગુરુવાર સુધી હીટવેવની અપેક્ષા છે. હવામાન વિભાગે આગામી બે દિવસ સુધી ઓડિશા, ઉત્તર પ્રદેશ, મધ્યપ્રદેશ, જમ્મુ વિભાગ, હિમાચલ પ્રદેશ, વિદર્ભ અને ઉત્તર ઝારખંડમાં ગરમીની લહેર સ્થિતિની આગાહી કરી છે. દક્ષિણ પશ્ચિમ ચોમાસું 29 મેના રોજ કેરળ પહોંચ્યું હતું અને મંગળવારથી વેગ પકડશે અને આગળ વધવાની ધારણા છે.
Delhi, nearby areas to witness severe heatwave, IMD issues 'orange alert'
બીજી બાજુ રાષ્ટ્રીય રાજધાની દિલ્હીમાં આકરી ગરમીથી કોઈ રાહત મળી નથી અને સોમવારે ઘણા વિસ્તારોમાં પારો 45 ડિગ્રી સેલ્સિયસથી ઉપર રહ્યો હતો. હવામાન નિષ્ણાતોએ આગાહી કરી છે કે તાજા વેસ્ટર્ન ડિસ્ટર્બન્સના કારણે સપ્તાહના અંતે આ ગરમીમાંથી થોડી રાહત મળી શકે છે. દિલ્હીની સફદરજંગ ઓબ્ઝર્વેટરી અનુસાર, સોમવારે મહત્તમ તાપમાન 44.2 ડિગ્રી સેલ્સિયસ નોંધાયું હતું. શુક્રવાર સુધીમાં રાજધાનીમાં મહત્તમ તાપમાન 40-41 ડિગ્રી સેલ્સિયસ સુધી ઘટી શકે છે.
દિલ્હીવાસીઓએ 11 વર્ષમાં સૌથી વધુ વખત હીટવેવનો અનુભવ કર્યો
દેશની રાજધાની દિલ્હી હાલ લૂ ની ચપેટમાં છે. ચામડી દઝાડી દેવી તેવી કાળઝાળ ગરમી અને તાપના કારણે ગરમીએ હીટવેવનો રેકોર્ડ બનાવ્યો છે. દિલ્હીવાસીઓએ 11 વર્ષમાં સૌથી વધુ વખત હીટવેવનો અનુભવ આ વર્ષે કર્યો છે. રાજધાનીના સફદરગંજ હવામાન વિભાગના જણાવ્યા અનુસાર માર્ચ મહિનાના અત્યાર સુધી 34 હીટવેવ નોંધાઈ છે.