આપઘાત / એવું તે શું થયું કે, ધો. 10માં ભણતી ખુશીએ ઝેરી દવા પીને જીવન ટુંકાવ્યું?

• સુરત સિવિલ હોસ્પિટલમાં લીધા આખરી શ્વાસ
• મૂળ મહેસાણાના વતની
• નામ ખુશી પણ ખુશીના દિવસોમાં જ કર્યો આપઘાત

સુરત શહેરના ડીંડોલી વિસ્તારમાં ધોરણ-10ની વિદ્યાર્થિનીએ ઝેરી દવા પી આપઘાત કર્યો હોવાની ઘટના સામે આવી છે. મૃતક ખુશીએ હોમવર્ક ન કર્યું હોવાનું તેની માતાએ ટીચરને જાણ કરી હતી, જેથી ખુશીને લાગી આવતાં આપઘાત કરી લીધો હોવાનું પરિવારનોએ જણાવ્યું હતું. ખુશીએ ઝેરી દવા પી આપઘાત કરી લેતાં પરિવાર શોકમાં ગરકાવ થઈ ગયો હતો.

સિવિલ હોસ્પિટલમાં લીધા આખરી શ્વાસ
 
ખુશીને તાત્કાલિક નજીકની ખાનગી હોસ્પિટલ બાદ વધુ સારવાર માટે સુરત સિવિલ હોસ્પિટલમાં લઈ આવ્યા હતા. ડીંડોલી વિસ્તારમાં આવેલી આલોક રેસિડેન્સીમાં ધોરણ-10માં અભ્યાસ કરતી 15 વર્ષની ખુશી પ્રકાશભાઈ પટેલ  પોતાના પરિવાર સાથે રહેતી હતી અને પરિવારની એકની એક દીકરી હતી. પિતા ઝેરોક્ષની દુકાન ચલાવતા હોવાનું અને મૂળ મહેસાણાના વતની હોવાનું જાણવા મળ્યું છે.