ખુશખબર / હવે રિવર રાફ્ટિંગ કરવા માટે મનાલી જવાની જરૂર નથી, નર્મદા નદીમાં પણ થશે River Rafting

ગુજરાતમાં એકમાત્ર સ્થળ નર્મદા ખાતે રિવર રાફ્ટિંગની આજથી શરૂઆત થઈ છે. ટુરિઝમને વેગ આપવા નર્મદા નદીમાં CM વિજય રૂપાણીએ લીલી ઝંડી બતાવીને રિવર રાફ્ટિગ શરૂઆત કરી છે. નર્મદામાં 1 હજારની ટિકીટમાં 4 કીલોમીટરના રૂટમાં લોકો રિવર રાફ્ટિંગની મજા માણી શકશે.
 

આ ઉપરાંત સ્ટેચ્યૂ ઓફ યુનિટીના પરિસરમાં આજથી ફ્રી WIFIની સુવિધા પણ મળશે. CM રૂપાણીએ પરિસરમાં WIFIની સેવાનો પ્રારંભ કર્યો છે. આ સુવિધાઓ શરૂ થતા હવે પ્રવાસીઓમાં વધારો થાય તેવી શક્યતા છે. 

ટુરિઝમના વિકાસ માટે સફારી પાર્ક પ્રોજેક્ટ

જ્યારે નર્મદાને આંતરરાષ્ટ્રીય કક્ષાનું વધુ એક પ્રવાસન સ્થળ વિકસાવવાના ભાગરૂપે અહીં એક સુંદર સફારી પાર્ક આકાર પામશે. જ્યાં 1800 જેટલાં પ્રાણી અને પક્ષીઓને લાવવામાં આવશે. ગુજરાત સરકારના વન વિભાગ દ્વારા ઝૂ ઓથોરિટી ઓફ ઇન્ડિયાના સંકલનમાં રહીને વિવિધ પશુઓ ખાતે રહેઠાણ સહિતની વ્યવસ્થા ઉભી કરવામાં આવી રહી છે. ત્યારે હવે આ સફારી પાર્કમાં દેશ-વિદેશના જંગલોમાં જોવા મળતાં પ્રાણીઓ અહિંયા નિહાળવા મળશે. અહીં એક અલગ પ્રકારનો સફારી પાર્ક બનાવવાનું આયોજન ગુજરાત સરકાર દ્વારા આયોજન કરવામાં આવ્યું છે.

તમને જણાવી દઇએ કે, પ્રધાનમંત્રી નરેન્દ્ર મોદી કેવડિયાની બે મહિનામાં બે વખત મુલાકાત લેશે. 13થી 15 સપ્ટેમ્બર સુધી વિદેશ નીતિને લઇને યોજાનારી રાષ્ટ્રીય કક્ષાને બેઠકમાં 15 તારીખે પીએમ મોદી ઉપસ્થિત રહેશે. બીજી વખત 31 ઓક્ટોબરના રોજ અલગ અલગ પ્રોજેક્ટના લોકાર્પણ માટે તેઓ કેવડિયા પહોંચશે.