મુલાયમ અને સ્પંજી રસગુલ્લાની મીઠાશ તેના નામની સાથે જ જીભ પર આવવા લાગે છે. પરંતુ પશ્ચિમ બંગાળના મિદનાપુરમાં એક દુકાનમાં તેને 'તડકો' લગાવવામાં આવ્યે છે. સાંભળવામાં થોડું વિચિત્ર લાગશે પરંતુ લોકો તેને ખુબ પસંદ કરી રહ્યા છે. આ દુકાનમાં ગરમા-ગરમ અને તીખા રસગુલ્લા બનાવવામાં આવે છે જે પોતે એક આકર્ષણનું કેન્દ્ર છે.
અનોખા રસગુલ્લા
મિદનાપુરમાં જાણીતા છે ગરમા-ગરમ તીખા રસગુલ્લા
ડાયાબિટીશના દર્દીઓમાં બન્યા જાણીતા
પરંપરાગત રીતથી વિપરીત, જે લોકોને આ મીઠા રસગુલ્લાઓ પસંદ હોય છે, તે પણ ઉત્સાહથી ચાખતા હોય છે. મિદનાપુરમાં, ચર્ચ સ્કૂલ નજીક આવેલી આ મીઠાઇની દુકાનમાં લોકોની ભીડ જોવા મળે છે.
લોકો પણ ઇચ્છે છે પરિવર્તન
આ ગરમ રસગુલ્લા લાવનાર માણસ અરિંદમ શો કહે છે, “પહેલા હું ગોળ, કેસર, હજર અને કેરીથી બનેલા સામાન્ય રસગુલ્લા બનાવતો હતો, પણ મને સમજાયું કે લોકો પરિવર્તન ઇચ્છે છે.
બદલાયેલા સ્વાદ માટે પ્રયોગ
આ ખાસ રસગુલ્લાની કિંમત માત્ર 10 રૂપિયા છે. મિદનાપુરના ડિલા મીઠાઇ વેચનાર સમિતિના સચિવ સુકુમાર ડેએ કહ્યું કે, મિદનાપુર રસગુલ્લાના અલગ-અલગ સ્વાદ માટે જાણીતા છે. લોકોના બદલાયેલા સ્વાદને કારણે આ નવતર પ્રયોગ કરવામાં આવે છે. કહેવામાં આવે છે કે, 1845-1855 ફૂલિયાના હરધન મોયરાએ દીકરીના લગ્ન માટે માટે નવી મીઠાઇ બનાવી હતી.
ડાયાબિટીશના દર્દીઓની ખાસ પસંદ
મીઠાઇનું વેચાણ કરનારાઓનું કહેવું છે કે, કેટલાય લોકો ડાયાબિટીશની ફરિયાદ કરતા હોવાથી ચાસણીમાં ડૂબાડેલા રસગુલ્લા ખાવાનું ટાળતા હોય છે. તેની અસર વેપાર પર ન પડે તેના માટે રસગુલ્લાની સાથે એક નવતર પ્રયોગ કરવામાં આવ્યો છે.