સાવધાન / પરણિત પુરૂષો આજે જ છોડી દેજો આ આદતો, નહીં તો સ્પર્મ કાઉન્ટ અને ક્વોલિટી પર પડશે ગંભીર અસર

• પુરૂષો પોતાની આ આદતોમાં કરો ફેરફાર 
• નહીં તો સ્પર્મ કાઉન્ટ પર થશે અસર 
• જાણો તેના ગરફાયદાઓ વિશે 

લગ્ન પછી સામાન્ય રીતે દરેક પુરુષ પિતા બનવાની ઈચ્છા રાખે છે. પરંતુ માત્ર એક ખરાબ આદત જ તેના માટે સમસ્યા બની શકે છે. અમે વાત કરી રહ્યા છીએ મોબાઈલ અને લેપટોપના ઉપયોગની. સ્માર્ટફોન દરેક વ્યક્તિના જીવનનો એક મહત્વપૂર્ણ ભાગ બની ગયો છે. હાલના સમયમાં મોબાઈલથી થોડુ દુર રહેવું પડે તો પણ લોકો બેચેન થઈ જાય છે. ઘણા લોકો મોડી રાત સુધી ફોન પર સોશિયલ મીડિયા પર એક્ટિવ હોય છે અથવા તો વીડિયો જોવાનું પસંદ કરે છે.

મોડી રાત સુધી ફોન કે લેપટોપ યુઝ કરવાના ગેરફાયદા
જો તમે પણ મોડી રાત સુધી ફોન કે લેપટોપનો ઉપયોગ કરો છો. તો હવે આ આદત (Smartphone Addiction) છોડવાનો સમય આવી ગયો છે. હકીકતે મોડી રાત્રે ગેજેટ્સનો ઉપયોગ કરવાની આદતને કારણે પુરુષોના સ્વાસ્થ્ય પર ખરાબ અસર પડે છે. એક અભ્યાસ દ્વારા આ વાત સામે આવી છે.

સંશોધનમાં ચોંકાવનારા ખુલાસા
અમેરિકાની એક મેગેઝિનમાં છપાયેલા અહેવાલ મુજબ ફોન અને લેપટોપમાંથી નીકળતી બ્લુ લાઈટ પુરુષોના સ્પર્મ કાઉન્ટ અને સ્પર્મ ક્વોલિટી પર ખરાબ અસર કરે છે. તેથી સ્પર્મ ક્વોલિટી બગડી જાય છે. પુરૂષની પ્રજનન ક્ષમતા પર તેની ખૂબ જ ખરાબ અસર પડે છે. આ અભ્યાસમાં સંશોધકોએ 116 પુરૂષોના સ્પર્મના નમૂના લીધા હતા. આ તમામ લોકોની ઉંમર 21 થી 59 વર્ષની વચ્ચે હતી. આ તમામ લોકો ફર્ટિલિટી ઈવેલ્યુએશનમાંથી પસાર થઈ રહ્યા હતા.

મેલ ફર્ટિલિટી પર પડે છે ખરાબ અસર 
આ તમામ લોકોને તેમની આદતો અને ડેલી લાઈફસ્ટાઈલ વિશે ઘણા પ્રશ્નો પૂછવામાં આવ્યા હતા. તેમના અનુસાર સંશોધકોએ શોધી કાઢ્યું છે કે સાંજે અને રાત્રે ફોન અને લેપટોપમાંથી બ્લૂ લાઈટ અને ખરાબ સ્પર્મ ક્વોલિટી વચ્ચે સંબંધ છે. અભ્યાસ મુજબ ઈલેક્ટ્રોનિક અને ડિજિટલ ઉપકરણો પ્રજનન ક્ષમતા પર ખરાબ અસર કરે છે.

મોડી રાત્ર સુધી ફોન ન વાપરવાના ફાયદા
અભ્યાસ મુજબ જે પુરૂષો મોડી રાત સુધી ફોન કે અન્ય ઈલેક્ટ્રોનિક ગેજેટ્સનો ઉપયોગ કરે છે, તે પુરુષોમાં ઈન્ફર્ટિલિટીનો દર વધે છે. ત્યાં જ જે પુરુષો સમયસર ઊંઘે છે અને ઇલેક્ટ્રોનિક ઉપકરણોનો ઉપયોગ ઓછો કરે છે. તેમના સ્પર્મની ગુણવત્તા વધુ સારી હોય છે.