ગૌરવની વાત / એલન મસ્કની સ્પેસ એક્સનું અવકાશયાન સ્પેસ સ્ટેશન પહોંચ્યું, ભારતીયો માટે શા માટે છે ગૌરવની વાત, જાણો

• સ્પેસએક્સનું કેપ્સૂલ ચાર અંતરિક્ષ યાત્રીઓને લઈને ઈન્ટરનેશનલ સ્પેસ સ્ટેશન પહોંચી ગયુ
• આ મિશન અમેરિકન અંતરિક્ષ એજન્સી નાસાની સાથે ભાગીદારીમાં રહ્યું
• ક્રુ- 3 મિશનના કમાન્ડર છે રાજા ચારી

સ્પેસએક્સનું કેપ્સૂલ ચાર અંતરિક્ષ યાત્રીઓને લઈને ઈન્ટરનેશનલ સ્પેસ સ્ટેશન પહોંચી ગયુ

દુનિયાના સૌથી ધનિક વ્યક્તિ એલન મસ્કની કંપની સ્પેસએક્સનું કેપ્સૂલ આજે એટલે કે શુક્રવારે સવારે ચાર અંતરિક્ષ યાત્રીઓને લઈને ઈન્ટરનેશનલ સ્પેસ સ્ટેશન પહોંચી ગયુ. આની સાથે અંતરિક્ષ પ્રવાસની પાછળ 60 વર્ષના ઈતિહાસમાં અમેરિકાના 600માં પ્રવાસીઓને સ્પેસમાં મોકલવાનું ગૌરવ મેળવ્યું છે. રસપ્રદ વાત એ છે કે જે વ્યક્તિને અંતરિક્ષમાં જનારો 600મો વ્યક્તિ કહેવામાં આવી રહ્યો છે તે એક જર્મન નાગરિક છે.

A new SpaceX Crew Dragon capsule carrying four astronauts to the International Space Station (ISS) as part of the company's Crew-3 mission docked successfully at the orbiting lab today, the company says.

(Photo courtesy: NASA) pic.twitter.com/uFLGAYjih9

— ANI (@ANI) November 12, 2021

આ મિશન અમેરિકન અંતરિક્ષ એજન્સી નાસાની સાથે ભાગીદારીમાં રહ્યું

સ્પેસએક્સનું આ મિશન અમેરિકન અંતરિક્ષ એજન્સી નાસાની સાથે ભાગીદારીમાં રહ્યું. હકિકતમાં નાસાએ 2011 બાદથી પોતાનો સ્પેસ શટલ પ્રોગ્રામ બંધ કરી દીધો હતો. જેના ચાલતા તેમને પોતાના અંતરિક્ષ પ્રવાસીઓને આઈએસએસ મોકલવા માટે રશિયાની સાથે ભાગીદારી પર નિર્ભર રહેવું પડ્યુ હતુ. પરંતુ હવે એલન મસ્કની કંપની સ્પેસએક્સ ખાનગી ક્ષેત્રમાં અંતરિક્ષ પ્રવાસ કરનારી મોટી કંપની બનીને ઉભરી છે. સ્પેસએક્સની આજ ખાસિયતોને જોતા નાસાએ ક્રુ- 3 મિશન શરુ કર્યુ અને ચાર અંતરિક્ષ પ્રવાસીઓને આઈએસઆઈએસ રવાના કર્યા.

24 કલાકમાં જ શિપ આઈએસએસ સુધી પહોંચવામાં સફળ રહી

ક્રુ 3ના એસ્ટ્રોનોટ્સમાં સામેલ રાજા ચારી, કાયલા બેરન અને ટોમ માર્શબર્ન અમેરિકન નાગરિક છે. જ્યારે મથાયસ માઉરર જર્મનીના છે. આ ચારેય ગુરુવારે સવારે ફ્લોરિડાના કેનેડી સ્પેસ સેન્ટરથી સ્પેસએક્સના ડ્રેગન કેપ્સૂલમાં બેસીને ફાલ્કન-9 રોકેટના માધ્યમથી લોન્ચ કરવામાં આવ્યા હતા. આ બાદ લગભગ 24 કલાકમાં જ તેમની શિપ આઈએસએસ સુધી પહોંચવામાં સફળ રહ્યા છે.

ક્રુ- 3 મિશનના કમાન્ડર છે રાજા ચારી

આઈએસએસ માટે રવાના થનારા અંતરિક્ષ પ્રવાસીઓમાં ભારતીય મૂળના અમેરિકન નાગરિક રાજા જોન વુર્પુતૂર ચારી ફાયટર વિમાનના પાયલટ છે. તેમને ક્રુ-3 મિશનના કમાન્ડર બનાવવામાં આવ્યા છે. તેમને નાસાના ઓર્ટેમિસ કાર્યક્રમ અંતર્ગત દુનિયાના 18 અંતરિક્ષ પ્રવાસીઓ માટે 2017માં પસંદ કરવામાં આવ્યા હતા. આની પહેલા તે 461માં ફ્લાઈટ ટેસ્ટ સ્ક્વોડ્રનના કમાન્ડર હતા. રાજા ચારી એફ -35 ઈન્ટીગ્રેટેડ ટેસ્ટ ફોર્સના નિર્દેશક પણ રહી ચૂક્યા છે. તેમણે 1999માં અમેરિકા એરફોર્સ એકેડમીથી એસ્ટ્રોનોટિકલ એન્જિનિયરિંગ કર્યુ. માસ્ટર્સ ડિગ્રી માટે તે એમઆઈટી ગયા. તેમના પિતા શ્રીનિવાસ ચારીના ભારતના હૈદરાબાદ સાથે સંબંધ રહ્યો છે.