હાલનાં દિવસોમાં પ્રત્યેક ભારતીયની નજર 'ચંદ્રયાન-2' પર લાગેલી છે કે જે 7 સપ્ટેમ્બરનાં રોજ ચંદ્રમાની સપાટી પર ઉતરશે. જો કે, આ પહેલાં જ એક ભારતીયનું સ્પેસ શૂટમાં ઉબડખાબડ સપાટી પર 'મૂનવૉક' કરતા વીડિયો વાયરલ થઇ રહ્યો છે. આ વાયરલ વીડિયોને જોયાં બાદ લોકોને એક ગંભીર 'સંદેશ' પણ મળી રહ્યો છે. આ સંદેશ જણાવે છે કે પોતાની આસપાસની સમસ્યાઓનાં સમાધાન માટે આપણે જ જવાબદાર છીએ.
ઉબડખાબડ રસ્તાઓ પર ધ્યાન ખેંચવાનો અનોખો પ્રયાસ
ઉલ્લેખનીય છે કે ટૂટેલા ફૂટેલા રસ્તાઓ અને ખરાબ આધારભૂત સુવિધાઓ તરફ પ્રશાસનનું ધ્યાન આકર્ષિત કરવા માટે આર્ટિસ્ટ બાદલ નંજુંડસ્વામી દર વખતે અલગ-અલગ રીતો અપનાવે છે. આ વખતે તેઓએ એવો નુસખો અપનાવ્યો કે જે બેંગલુરૂ વાસીઓની વચ્ચે હાલમાં એક ચર્ચાનો વિષય બની ગયો છે. બેંગલુરૂનાં યશવંતપુર વિસ્તારમાં રવિવારનાં રોજ મોડી સાંજનાં બાદલે ટૂટ્યાં-ફૂટ્યાં રસ્તાઓને ચંદ્રમાની ઉબડ ખાબડ જમીન તરીકે દેખાડી છે.
પછી શેર કર્યો VIDEO
ઉલ્લેખનીય છે કે ચંદ્રની સપાટીનાં સામે આવેલા ફોટોમાં તે ઉબડ-ખાબડ જ દેખાય છે. એવામાં ખરાબ હાલતવાળા રસ્તા તરફ સ્થાનીય પ્રશાસનનું ધ્યાન આકર્ષિત કરવા માટે બાદલ એસ્ટ્રોનૉટની વેશભૂષા પહેરીને તૂટેલા-ફૂટેલા રસ્તા પર મૂનવૉક કરતા દેખાય છે. આ રેકોર્ડેડ વીડિયોને આ મહાશયે પોતાનાં ટ્વિટર એકાઉન્ટ પર શેર કર્યો છે જે હાલમાં જબરદસ્ત વાયરલ થયો છે.