કોરોનાનો સામનો કેવી રીતે કરવો જોઈએ જેથી તેની સામે જીતી શકાય તેવા અનેક સવાલ તમામ દેશની સામે છે. સાઉથ કોરિયાએ આ પ્રશ્નનો હલ કાઢ્યો છે. સાઉથ કોરિયામાં એપ્રિલમાં અત્યાર સુધીના રોજ સામે આવનારા કેસોમાં નવા કેસ ફક્ત 77 છે. જો આ રીતે અમેરિકા કાબુ મેળવી શકે તો નવા કેસનો સરેરાશ 480 હોત. જોકે અમેરિકાની વસ્તી સાઉથ કોરિયાથી 6 ગણી છે. પરંતુ અમેરિકામાં નવા કેસનો સરેરાશ 38 હજાર છે. જાણો કેવી રીતે સાઉથ કોરિયાએ કોરોના પર કાબુ મેળવ્યો છે.
અહીં અર્થવ્યવસ્થામાં 1 ટકાથી પણ ઓછો ઘટાડો નોંધાયો છે.
તમારે વાયરસને સંપૂર્ણ રીતે ખતમ કરવાની જરુર નથી
લોકોએ જીવવાની રીત બદલવાની જરુર છે.
વોલ સ્ટ્રીટ જર્નલમાં પ્રકાશિત રિપોર્ટ મુજબ સાઉથ કોરિયાએ સીધા, લચીલા અને તુલનાત્મક રુપે સરળતાથી લાગુ કરવામાં આવેલા મોર્ડલને અપનાવવામાં આવ્યું છે. જેનાથી ન ફક્ત મોત ઓછા થયા છે પણ અર્થવ્યવસ્થા મજબૂત બની રહી છે. અર્થવ્યવસ્થામાં 1 ટકાથી પણ ઓછો ઘટાડો નોંધાયો છે.
સા.કોરિયાએ લોકોના ટેસ્ટિંગમાં એવું કર્યુ છે જેવું બીજા દેશમાં નથી થયું. તેમણે ટેક્નિકનો ભરપુર ઉપયોગ કર્યો, સેન્ટ્રલાઈઝ્ડ કન્ટ્રોલ અને કોમ્યૂનિકેશન મોર્ડલને પણ અપનાવ્યું છે. પરંતુ મહત્વપૂર્ણ વાત એ છે કે આ સાથે તેને નિષ્ફળતાનો ડર હતો. ને કદાય આ જ ડરે તેને સફળતા અપાવી છે.
સાઉથ કોરિયામાં મહામારીની શરુઆતમાં જ કોરોના ટેસ્ટિંગ કિટને મંજૂરી આપી દેવામાં આવી હતી અને ટેક્નિકનો જબરજસ્ત ઉપયોગ કરવામાં આવ્યો. કોઈ પણ વિસ્તારમાં સંક્રમણ થતાની સાથે તાત્કાલિક લોકોને મેસેજ મોકલી દેવામાં આવ્યો હતો. હવે દેશમાં ફેસ માસ્કની અછત સર્જાઈ તો સરકારે ઉત્પાદન પર પોતાનું નિયંત્રણ લાદી દીધું
સ્વાસ્થ્ય અધિકારી દિવસમાં 2-2 વાર બ્રીફિંગ કરવા લાગ્યા. સતત લોકોને ચેતવણી આપવામાં આવી. દેશમાં લગભગ દરેક વ્યક્તિ માસ્ક પહેર્યુ. તમામ ચેપગ્રસ્ત, હળવા લક્ષણો વાળા લોકોને હોસ્પિટલ અથવા સરકાર સંચાલિત જગ્યાઓ પર આઈસોલેટ કરવામાં આવ્યા. ટ્રીટમેન્ટ ફ્રી કરી દેવામાં આવી. આજ કારણે લોકડાઉન ન કરવું પડ્યુ. રેસ્ટોરેન્ટ અને અન્ય બિઝનેસ ખુલ્લા રહ્યા હોઈ અર્થવ્યવસ્થા બરબાદ ન થઈ.
વિશ્વ સ્વાસ્થ્ય સંગઠને પણ સાઉથ કોરિયાના વખાણ કર્યા છે. WHO એ ગ્લોબલ આઉટબ્રેક એલર્ટ એન્ડ રેસ્પોન્સ નેટવર્કના ચેરમેન ડેલ ફિશરે કહ્યું કે જેવી રીતે સાઉથ કોરિયાએ વાયરસ પર કાબૂ કરવા અને વાયરસની સાથે જીવવાનું શીખ્યા તેવું કોઈ દેશે નથી કર્યુ. તેમણે કહ્યું કે તમારે વાયરસને સંપૂર્ણ રીતે ખતમ કરવાની જરુર નથી પરંતુ જીવવાની રીત બદલવાની જરુર છે.