કોરોનાની બીજી વેવમાં સુરતના ટેકસ્ટાઈલ્સ ઉદ્યોગ સાથે સંકળાયેલા વેપારીઓની ચિંતા વધી હતી. જોકે દિવાળીના દિવસો નજીક આવતા વેપાર વધતાં વેપારીઓ ચિંતામુક્ત થયા છે.
સુરત ટેક્સટાઇલ ઉદ્યોગ માટે રાહતના સમાચાર
દિવાળી પછી એક મહિનો ડાઈંગ પ્રોસેસિંગ મિલ નહી રહે બંધ
સાઉથ ગુજ ટેક્સટાઇલ પ્રોસેસિંગ એસો. દ્વારા લેવાયો નિર્ણય
સુરત ટેક્સટાઇલ ઉદ્યોગ માટે રાહતના સમાચાર
કોરોનાની બીજી લહેર બાદ ચાલુ વર્ષે દિવાળી પર્વ નજીક બજારમાં તેજી આવતાં સુરત ટેક્સટાઈલ ઉદ્યોગ માટે રાહતના સમાચાર સામે આવ્યાં છે. ચાલુ વર્ષે દિવાળી પછી એક મહિનો ડાઈંગ પ્રોસેસિંગ મિલ બંધ નહી રહે. જે અંગેનો નિર્ણય સાઉથ ગુજ ટેક્સટાઈલ પ્રોસેસિંગ એસોશિએશન દ્વારા લેવાયો છે. મહત્વનું છે કે, થોડા સમય પહેલા એસોશિએશને 1 મહિનાનું વેકેશન જાહેર કર્યું હતું. હાલ ટેક્સટાઈલસ માર્કેટમાં તેજીનો માહોલ ચાલી રહ્યો છે. દિવાળી પછી લગ્નસરાની સિઝન શરૂ થઈ જશે ત્યારે ટેક્સટાઈલની સપ્લાય ચેન બ્રેક ન થાય તે માટે નિર્ણય લેવામાં આવ્યો છે
ટેકસ્ટાઈલ્સ ઉદ્યોગમાં દિવાળીપર્વને લઈ તેજીનો માહોલ જોવા મળી રહ્યો
કોરોનાની બીજી લહેરે સુરતના ટેકસ્ટાઈલ્સ ઉદ્યોગ સાથે સંકળાયેલા વેપારીઓની ચિંતા વધી હતી. જો કે, દિવાળીના દિવસો નજીક આવતા ટેક્સ્ટાઈલ્સ ઉદ્યોગ સાથે સંકળાયેલા તમામ વેપારીઓ ચિંતામુક્ત થાય છે. જો કે, દિવાળીના 45 થી 60 દિવસમાં ટેકસ્ટાઈલ્સ ઉદ્યોગનો કરોડોનો વેપાર થયો છે. જેમાં હવે દિવાળીના આડે થોડા દિવસો બાકી રહ્યાં છે, ત્યારે અન્ય રાજ્યોમાંથી મબલખ ઓર્ડોરો નીકળતા ટેકસ્ટાઈલ્સ ઉદ્યોગ દ્વારા અંદાજીત 9 હજાર કરોડના વેપારનો અંદાજ માનવામાં આવી રહ્યો છે.જે ગત વર્ષની સરખામણીએ બેગણો વધારે વેપાર થવા જાય છે.જેના પગલે સુરતના ટેકસ્ટાઈલ્સ ઉદ્યોગમાં દિવાળીના પર્વને લઈ હાલ તેજીનો માહોલ જોવા મળી રહ્યો છે.
ટેકસ્ટાઈલ્સ ઉદ્યોગના વેપારીઓને નવા વેપારની આશા
સુરતમાં જીએસટી પહેલા ટેકસ્ટાઈલ્સ ઉદ્યોગનો દિવાળી દરમ્યાન બાર હજાર કરોડનો વેપાર રહ્યો હતો.જે જીએસટી બાદ નવ હજાર કરોડની આસપાસ થઈ ગયો હતો.પરંતુ કોરોનાની પ્રથમ લહેર અને લોક ડાઉનના કારણે આ વેપારમાં મોટો ઘટાડો થયો હતો.જે વેપાર સીધો 6 હજાર કરોડની આસપાસ પોહચી ગયો હતો.કોરોનાના કારણે અન્ય રાજ્યોમાં પણ સ્થિતિ ખૂબ જ વિકટ બની હતી.જેના પગલે સુરતના ટેકસ્ટાઈલ્સ ઉદ્યોગમાં ચિંતાજનક વધારો થયક હતો.પરંતુ કોરોનાની બીજી લહેરમાં નહિ નહીં કરતા પણ સુરતના ટેકસ્ટાઈલ્સ ઉદ્યોગ દ્વારા દિવાળી દરમ્યાન સાડા છ થી સાત હજાર કરોડનો વેપાર કર્યો હતો.જેના કારણે ટેકસ્ટાઈલ્સ ઉદ્યોગના વેપારીઓને નવા વેપારની આશા બંધાઈ હતી.
કોરોનાની ત્રીજી લહેરના ભણકારા વાગતા વેપારીઓ ફરી ચિંતામા મુકાયા હતા.
આ વચ્ચે કોરોનાની ત્રીજી લહેરના ભણકારા વાગતા વેપારીઓ ફરી ચિંતામા મુકાયા હતા.જોકે, સુરત સહિત અન્ય રાજ્યોમાં કોરોનાનો કહેર થાળે પડતા જનજીવન પહેલાંની જેમ રાબેતા મુજબ થતું ગયું. જેના પગલે તહેવારોની સિઝનને લઈ અન્ય રાજ્યો બહારથી સુરતના ટેકસ્ટાઈલ્સ ઉદ્યોગના વેપારીઓને મબલક પ્રમાણમાં ઓર્ડરો મળતા થયા. સુરતના રિંગ રોડ વિસ્તારમાં પ્રતિદિવસ જે અઢી હજાર કરોડ કાપડનો માલ ઠાલવવામાં આવતો હતો, તે હાલ વધીને સાડા ચાર હજાર કરોડ મીટર પર પોહચી ગયું છે. એટલે સરવાળે જોવા જઈએ તો ટેકસ્ટાઈલ્સ ઉદ્યોગમાં ફરી તેજીનો માહોલ જોવા મળી રહ્યો છે.