કેપટાઉનમાં રમાયેલી ત્રીજી વનડેમાં ભારતને ચાર રનથી હાર વેઠવી પડી છે. 288 રનનો પીછો કરવા ઉતરેલી ટીમ ઈન્ડીયા 283 રન પર સમેટાઈ ગઈ.
3 સીરિઝની વનડેમાં આફ્રિકાની ક્લીન સ્વીપ
અંતિમ વનડેમાં ભારતનો 4 રનથી પરાજય
સાઉથ આફ્રિકાએ 3-0થી સીરિઝ જીતી
સાઉથ આફ્રિકાએ ત્રીજી અને છેલ્લી વનડેમાં ટીમ ઈન્ડીયાને રોમાંચક મુકાબલામાં 4 રનથી પરાજય આપ્યો છે. ટીમ ઈન્ડીયાની સામે મેચ જીતવા માટે 288 રનનો ટાર્ગેટ હતો જેના જવાબમા ટીમ 283 રન બનાવી શકી અને મેચ હારી ગઈ. અંતિમ હાર સાથે ભારતીય ટીમ વનડે સીરિઝની એક પણ મેચ જીતી શકી નથી અને આફ્રિકાએ ભારતનો 3-0થી ક્લીન સ્વીપ કર્યો છે.
ચાહરની ફિફ્ટી બેકાર ગઈ
ટાર્ગેટનો પીછો કરવા ઉતરેલી ટીમ ઈન્ડીયાએ 7મી વિકેટ 223 રનના સ્કોર પર ગુમાવી દીધી હતી અને હાર લગભગ નક્કી હતી ત્યારે દીપક ચાહરે 34 બોલમાં શાનદાર 54 રન બનાવીને મેચની તસવીર બદલી નાખી હતી. ચાહરે 287ના સ્કોર પર આઉટ થયો અને ત્યાર બાદ જસપ્રીત બુમરાહ અને ચહલ (2) રન બનાવીને આઉટ થયા હતા. ટીમ ઈન્ડીયા લગભગ જીતેલી મેચ હારી ગઈ હતી.
India vs South Africa, 3rd ODI: SA beat India by 4 runs
પહેલા બેટિંગ કરીને સાઉથ આફ્રિકાએ નિર્ધારીત 50 ઓવરમાં 10 વિકેટના નુકશાન પર 287 રન બનાવ્યાં હતા. 287 રનનો પીછો કરવા ઉતરેલી ટીમ ઈન્ડીયા 283 રન પર સમેટાઈ ગઈ. દિપક ચાહરે છેલ્લી ઓવરમાં દમદાર પ્રદર્શન કર્યું હતું તેમ છતાં પણ ભારતને સફળતા ન મળી અને સાઉથ આફ્રિકા સામે 4 રને હારી જઈ હતી. આ જીત સાથે સાઉથ આફ્રિકાએ 3-0થી સીરિઝ જીતી લીધી છે.
ડી કોકની સદી
સાઉથ આફ્રિકાએ પ્રથમ બેટિંગ કરી હતી અને ઓપનર તેમજ સિનિયર ખેલાડી ક્વિન્ટન ડી કોક પોતાનું જોરદાર ફોરમ જાળવી રાખતા સદી ફટકારી હતી. ભારત ડી કોકની ફેવરિટ ટીમ છે અને તે હંમેશા ભારત સામે જળકી ઊઠતો હોય છે. ભારત માટે બોલિંગમાં સારી શરૂઆત બાદ વિકેટ ન ખેરવી શકવાની નબળાઈ ભારે પડી રહી છે. ભારતીય બોલરોએ
દીપક ચાહરની પ્રશંસનીય બોલિંગ અને બેટિંગ
દ.આફ્રિકા સામે પહેલી ઓવરથી જ બોલિંગ દરમિયાન દીપકનું શાનદાર પ્રદર્શન રહ્યું છે. તેણે જ ઈન્ડિયન ટીમને પહેલી વિકેટ અપાવી હતી. ઈનિંગની ત્રીજી ઓવરમાં જ મલાન આઉટ સાઈડ ઓફ સ્ટમ્પના ગુડ લેન્થ બોલ પર કોટબિહાઈન્ડ થઈ ગયો હતો.
ભારતે ટેસ્ટ સીરિઝ હાર્યા બાદ હવે વનડે સીરિઝમાં પણ પરાજયનો સામનો કર્યો હતો. વન ડે સીરિઝમાં તો ભારતનો વ્હાઇટવોશ થયો હતો જેના કારણે હવે ટીમ શરમજનક સ્થિતિમાં મુકાઇ ગઈ છે.