જો આપ પણ ભારે અને એક જગ્યાએ રહેનારા એર કન્ડીશનર (AC)થી હેરાન થઇ ગયા છો. તો તમારા માટે ઇલેક્ટ્રોનિક કંપની Sonyએ મોબાઇલથી પણ નાનુ AC તૈયાર કર્યું છે. સોનીએ આ પોર્ટેબલ ACનું નામ Reon Pocket રાખ્યું છે, જેને કોઇ કપડાની અંદર ફિટ કરવામાં આવી શકે છે.
તેમા ઠંડી હવા આપવા માટે એક પેનલ છે. આ ઉપરાંત આ AC બેટરી દ્વારા કામ કરે છે અને તાપમાનને સ્માર્ટફોન દ્વારા બ્લૂટૂથથી કંટ્રોલ કરી શકાય છે. સોનીના આ પોર્ટેબલ એસીની બેટરીનો બેકઅપ 90 મિનિટ્સનો છે અને તેને ફૂલ ચાર્જ કરવામાં 2 કલાકનો સમય લાગશે.
સોનીનો દાવો છે કે આ એસીને પેલ્ટિયર એલિમેન્ટથી તૈયાર કરવામાં આવ્યું છે જે ઝડપથી ઠંડું અને ગરમ થાય છે. પેલ્ટિયર એલિમેન્ટનો ઉપયોગ કાર કૂલર માટે થાય છે. સોનીએ તેને ક્રાઉડફંડેડ પ્રોજેક્ટ હેઠળ તૈયાર કર્યું છે.
સોનીએ પોર્ટેબલ એસીની કિંમત 14,080 યેન એટલે કે લગભગ 8992.61 રાખી છે. અને તેને એસ, એમ અને એલ સાઇઝના કપડા સાથે ફિટ કરવામાં આવી શકે છે. જોકે, હાલ આ એસી (AC) પુરુષો માટે જ છે. તેમા બ્લૂટૂથ 5.0નો સપોર્ટ આપવામાં આવ્યું છે. હાલ આ એસી માત્ર જાપાન માર્કેટમાં ઉપલબ્ધ છે.