બોલિવૂડ એક્ટર સોનુ સૂદ કોરોના પીડિતોની દરેક સંભવ મદદ કરવાનો પ્રયાસ કરી રહ્યો છે. ત્યારે લોકો તેના ઘરની નીચે પહોંચી ગયા અને સોનુ તેમને મળવા આવ્યો.
સોનુ કોરોના શરૂ થયો ત્યારથી લોકોની મદદમાં લાગેલો છે
લોકો સોનુને મળવા તેના ઘરની નીચે જતા રહે છે
લોકોને સોનુના પગે પડી રહ્યાં છે
ઓક્સિજન, દવા, એમ્બ્યુલન્સ સાથે સાથે દર્દીઓ માટે બેડની પણ વ્યવસ્થા કરવા માટે સોનુ રાત દિવસ એક કરી રહ્યો છે. આટલું જ નહીં સોનુ દરેકને કોરોનામાં ઘરે રહેવાની સલાહ આપી રહ્યો છે, પરંતુ તે ખુદ લોકોની મદદ માટે ઘરની બહાર આવી રહ્યો છે.
હાલમાં જ સોનુ સૂદે કેટલાક મજૂરોને કામ અપાવવામાં મદદ કરી હતી, જેની તસવીરો અને વીડિયો સોશિયલ મીડિયા પર ખૂબ જ વાયરલ થઈ રહ્યો છે. સોનુ સૂદનો આ વીડિયો સેલિબ્રિટી ફોટોગ્રાફર વિરલ ભાયાણીએ તેના ઇન્સ્ટાગ્રામ એકાઉન્ટ પરથી શેર કર્યો છે. આ વીડિયોમાં સોનુ સૂદ તેની બિલ્ડિંગની બહાર ઉભો છે. ઘણાંલોકો અહીં સોનુની મદદ લેવા ઉભા છે. સોનુ પોતે લોકો સાથે વાત કરી રહ્યો છે અને તેમની સમસ્યાઓ સાંભળી રહ્યો છે.
વીડિયોમાં તમે જોઈ શકો છો કે એક પુરુષ અને એક વૃદ્ધ મહિલા સોનુ સૂદના પગે પડી જાય છે. જોકે સોનુ તેમને આવું કરવાની ના પાડે છે. આ પછી તેમને ઉભા કરીને સોનુ હાથ જોડે છે. ઘણાં પ્રયત્નો કર્યા પછી પણ અભિનેતા કેટલાક દર્દીઓને બચાવવામાં સફળ ન થતાં નિરાશા વ્યક્ત કરી હતી. અભિનેતાએ એક ટ્વિટ કર્યું છે જેમાં તેણે કહ્યું છે કે તે કેટલી દુખની લાગણી અનુભવી રહ્યો છે અને આટલા પ્રયત્નો પછી પણ કેટલાક દર્દીઓના જીવ બચાવી શક્યો નથી.
આ ટ્વિટ પછી ચાહકો સોનુ સૂદને આશ્વાસન આપી રહ્યાં છે અને તેને આગળ વધવા માટે કહી રહ્યા છે. એક ચાહકે સોનુ સૂદની પ્રશંસા કરતા લખ્યું- સર, હું એમ નહીં કહીશ કે જન્મ અને મૃત્યુ કોઈના હાથમાં નથી, કેમ કે દરેકને આ પહેલેથી જ ખબર છે. પરંતુ આ સમાચાર ખૂબ જ દુખદ છે, જે સાંભળ્યા પછી કોઈ પણ તેમના આંસુ રોકી શકશે નહીં. મૃતકોના પરિવારજનો પ્રત્યે મારી સંવેદના. જીવન બચાવવા ક્યારેય હાર ન માનો.