IPLIN
 

મદદ / નોકરી જતી રહેતા એન્જિનિયર છોકરી શાક વેચવા થઈ મજબૂર, તો સોનુ સૂદે કરી એવી મદદ કે જાણીને દંગ રહી જશો

Team VTV 04:22 PM, 28 Jul 20
Follow us
Sonu Sood Offers Job To Techie Who Was Lost Her Job During Covid Crisis

છેલ્લા કેટલાય મહિનાથી સોનુ સૂદ લોકડાઉનમાં મજૂરો અને જરૂરિયાતમંદ લોકો માટે મસીહા બનીને સામે આવ્યો છે. સોનુ અને તેની ટીમ દરેક વ્યક્તિ સુધી મદદ પહોંચાડવાની કોશિશ કરી રહ્યાં છે. હાલમાં જ તેણે આંધ્રપ્રદેશના એક ગરીબ ખેડૂત પરિવાર માટે ટ્રેક્ટર મોકલાવી મદદ કરી હતી. તો હવે સોનુ એવી યુવતીની મદદ માટે આગળ આવ્યો છે જેની કોરોનાને કારણે નોકરી જતી રહી હતી.

  • સોનુ સૂદે ફરી કર્યું પ્રસંશનીય કામ
  • એક ગરીબ યુવતીને આપી જોબ
  • હજારો લોકોની મદદ કરી ચૂક્યો છે એક્ટર

એક ટ્વિટર યુઝરે સોનુથી મદદ માંગી અને કહ્યું શારદા નામની છોકરી એન્જિનિયર છે અને તેની જોબ લોકડાઉનને કારણે જતી રહી છે. ત્યારબાદ પરિવારની મદદ માટે શારદાએ શાકભાજી વેચવાનું શરૂ કર્યું હતું. હવે સોનુ સૂદે ટ્વિટર પણ જાણકારી આપી છે કે જલ્દી શારદાને ફરી નોકરી મળી જશે. સોનુ સૂદે ટ્વિટર પર લખ્યું- મારા અધિકારી તેને મળી ચૂક્યા છે. ઈન્ટરવ્યૂ થઈ ગયું છે અને તેને જોબ લેટર મોકલી દેવાયું છે. જય હિંદ. 

સોનુના આ નેક કામની લોકો ખૂબ પ્રસંશા કરી રહ્યાં છે અને ટ્વિટ કરી રહ્યાં છે.  ઉલ્લેખનીય છે કે, સોનુ સૂદ અત્યાર સુધી હજારો મજૂરો, વિદ્યાર્થીઓથી લઈને ખેડૂતોની મદદ માટે આગળ આવ્યો છે. હાલમાં જ તેણે દશરથ માંઝીના પરિવારની પણ આર્થિક મદદ કરવાની વાત કહી હતી. આ સિવાય સોનુ સૂદ વિદેશમાં ફસાયેલા હજારો વિદ્યાર્થીઓને પણ વતન પાછા લાવવામાં મદદ કરી રહ્યો છે. 

Engineer Sonu Sood Offers Job Covid crisis
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ