Video / સોનુ સૂદે તેના દિકરાને એવી જબરદસ્ત ગિફ્ટ આપી કે જોઈને તમારી આંખો પહોળી થઈ જશે, કરોડોમાં છે કિંમત

• સોનુ સૂદ કોરોના મહામારી શરૂ થઈ ત્યારથી લોકોની મદદ કરી રહ્યો છે
• સોનુએ પોતાના દિકરા ઈશાનને એક જબરદસ્ત ગિફ્ટ આપી 
• સોનુનો વીડિયો સોશિયલ મીડિયા પર થયો વાયરલ

સોનુ સૂદે કોરોનાકાળમાં પ્રવાસી મજૂરોને તેમના વતન પહોંચાડવાથી લઈ દવાઓ અને હોસ્પિટલમાં બેડ સપ્લાઈ કરવા સુધીની સુવિધાઓ ઉપલબ્ધ કરાવી છે. સોનુ તેના નેક કામને કારણે લોકોનો મસીહા બની ગયો છે. તે લોકોની મદદ માટે હમેશાં તૈયાર રહે છે. ઘણાં લોકો તો સોનુને ભગવાન માનીને તેની પૂજા પણ કરે છે. 

ત્યારે હવે સોનુ તેની નવી કારને કારણે ચર્ચામાં છે. હકીકતમાં તેણે પોતાના દિકરા ઈશાનને નવી મર્સડીઝ કાર ગિફ્ટમાં આપી છે. જેની કિંમત લગભગ 3 કરોડ રૂપિયા બતાવવામાં આવી રહી છે. યૂટ્યૂબ પર એક વીડિયો વાયરલ થઈ રહ્યો છે. જેમાં સોનુ સૂદ કારની ડિલીવરી લેતા જોવા મળી રહ્યો છે. એ પછી તે પોતાના બાળકોને લઈને ડ્રાઈવ પર નીકળી જાય છે. કારનું નામ છે મર્સડીઝ મેબૈક જીએલએસ600. 

બ્લેક કલરની ખરીદી કાર

સોનુએ આ કાર બ્લેક કલરમાં ખરીદી છે. તેના જબરદસ્ત ફીચર્સ છે. ફ્રંટથી ડેશબોર્ડ નાપ્પા લેધરનું બનેલું છે. 12.3 ઈંચનું ડિજિટલ ક્લસ્ટર છે. ઈન્ફોટેન્મેન્ટ માટે ટચસ્ક્રીન સિસ્ટમ છે અને પાંચ સીટ વર્ઝન ગાડી છે. તમને જણાવી દઈએ કે, સોનુ સૂદને મોંઘી ગાડીનો ખૂબ જ શોખ છે. તેની પાસે ઓડી ક્યૂ7, મર્સડીઝ બેંઝ એમએલ ક્લાક અને પોર્શ પાનામેરા છે. 

વર્કફ્રંટની વાત કરીએ તો સોનુ સૂદ ઈ.નિવાસના નિર્દેશનમાં બની રહેલી ફિલ્મ 'કિસાન'માં જોવા મળશે. આ સિવાય તે તેલુગુ ફિલ્મ 'આચાર્ય'માં જોવા મળશે. આ સાથે જ તે ફિલ્મ 'પૃથ્વીરાજ'માં પણ જોવા મળશે. આ ફિલ્મમાં સોનુની સાથે અક્ષય કુમાર અને માનુષી છિલ્લર મુખ્ય ભૂમિકામાં જોવા મળશે.