VIDEO / સોનુની દરિયાદિલી, તેની બિલ્ડિંગ નીચે આવેલા લોકોને પોતાના હાથે આપ્યું શરબત, પીએમ બનવાની વાત પર જાણો શું કહ્યું

• સોનુ સૂદ સતત લોકોની મદદ કરી રહ્યો છે
• હાલમાં જ સોનુનો એક વીડિયો થઈ રહ્યો છે વાયરલ
• લોકો સોનુને પીએમ બનતા જોવા માંગે છે

બોલિવૂડ અને ટીવી જગતના અનેક સેલેબ્સ સોનુથી પ્રેરિત થઈને લોકોની મદદ માટે આગળ આવી રહ્યાં છે. સોનુ દરેક પરિસ્થિતિમાં લોકોની મદદ કરે છે. આ સાથે જ તેનો વિનમ્ર સ્વભાવ જોઈ લોકો તેને આગામી વડા પ્રધાન તરીકે જોવા માંગે છે. જ્યારે સોનુને લોકોની આ ઇચ્છા વિશે કહેવામાં આવ્યું, ત્યારે અભિનેતાએ પોતાના અંદાજમાં જવાબ આપ્યો. 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

હાલમાં જ સોનુએ તેની બિલ્ડિંગની બહાર જ્યારે લોકોની ભીડ જોઈ તો તે તરત નીચે આવ્યો અને બધાંને પોતાના હાથે જ્યૂસ આપ્યું. એક્ટરના હાથેથી ઠંડુ જ્યૂસ પીવાથી બધાંને મજા પડી ગઈ. ત્યારે લોકોની ભીડમાં કોઈએ સોનુને દેશના આગામી પીએમ બનવાની ઈચ્છા વ્યક્ત કરી તો  તેના પર સોનુ સૂદે પોતાના અંદાજમાં જવાબ આપ્યો. એક્ટરે કહ્યું- જે જ્યાં છે છે ત્યાં બરાબર છે. હું સામાન્ય વ્યક્તિ તરીકે જ બરાબર છું. તમારા લોકોની સાથે તો ઊભો છું. 

માત્ર સામાન્ય લોકો જ નહીં પરંતુ સોનુ સૂદને સેલેબ્સને પણ વડા પ્રધાન બનતા જોવા માંગે છે. રાખી સાવંત, વીર દાસ જેવા સ્ટાર્સે પણ તેમની ઇચ્છા જાહેરમાં વ્યક્ત કરી છે. સોનુ સૂદ એક એવા હીરો તરીકે સામે આવ્યો છે જેણે ગયા વર્ષે લોકડાઉનથી લોકોને મદદ કરવાનું શરૂ કર્યું હતું. તે થાક્યા વિના, રોકાયા વિના, લોકોને મદદ કરી રહ્યો છે. તેદરરોજ હજારો લોકોના કોલ્સ અટેન્ડ કરે છે અને તેમને દરેક શક્ય સહાય પૂરી પાડે છે. તે લોકોને સારવાર જરૂરી સામાન ઉપલબ્ધ કરાવી રહ્યો છે. આવા જ કારણોથી લોકોની હૃદયમાં સોનુએ ખાસ જગ્યા બનાવી લીધી છે. 

વાતચીત દરમિયાન અભિનેતાએ કહ્યું હતું કે, 'આ સમયે દરેકને બધાંની જરૂર છે. મને ખબર નથી કે હું કેવી રીતે કરું છું. હું ફોન પર લગભગ 22 કલાક રહું છું. અમને મદદ માટે 40થી 50 હજારની રિક્વેસ્ટ મળે છે. આ સિવાય સોનુ સૂદ વિદેશી કંપનીઓ સાથે દેશમાં ઓક્સિજન પ્લાન્ટ લગાવવા માટે કામ કરી રહ્યો છે. એક વેબ પોર્ટલ સાથેની વાતચીતમાં સોનુએ કહ્યું હતું કે તે ચીન, ફ્રાન્સ અને તાઇવાનની કંપનીઓ સાથે ભારતમાં ઓક્સિજન પ્લાન્ટ સ્થાપિત કરી રહ્યો છે, તેથી જો કોરોનાની ત્રીજી લહેર આવે તો આપણે પહેલાંથી જ તૈયાર હોઈશું.