IPLIN
 

Viral / સોનુ સૂદ શૂટિંગ દરમિયાન પણ જરૂરિયાતમંદોની કરી રહ્યો છે મદદ, આ વીડિયો જોઈ કહેશો 'વાહ'

Team VTV 04:58 PM, 05 Nov 20 | Updated: 05:57 PM, 05 Nov 20
Follow us
Sonu Sood extends support to the needy on sets of his film in Hyderabad watch video

લોકડાઉનમાં જરૂરિયાતમંદોની મદદ કરીને સોનુ સૂદ મસીહા બની ગયો છે. જોકે, હજી સુધી સોનુ સતત લોકોની મદદ કરી રહ્યો છે. અત્યારે સોનુ હૈદરાબાદમાં પોતાની ફિલ્મની શૂટિંગ કરી રહ્યો છે તો અહીં પણ સોનુ લોકોની મદદ કરવામાં પીછેહઠ નથી કરી રહ્યો. લોકો પોતાની સમસ્યાઓ લઈને દૂર દૂરથી તેને મળવા આવી રહ્યાં છે. તેના આ કામને જોઈ સાઉથ મૂવી ડિરેક્ટર રમેશ બાલાએ સોનુનો એક વીડિયો શેર કર્યો છે. સાથે જ તેમણે સોનુનો આભાર પણ વ્યક્ત કર્યો છે.

  • સોનુ સતત લોકોની મદદ કરી રહ્યો છે
  • હાલમાં જ સોનુનો એક વીડિયો થઈ રહ્યો વાયરલ
  • શૂટિંગ દરમિયાન પણ સોનુ લોકોની મદદ કરતા જોવા મળી રહ્યો છે

સોનુએ રમેશ બાલાના વીડિયો પર લખ્યું- અમુકવાર ભગવાન લોકો સુધી પહોંચવા માટે તમને દૂત તરીકે પસંદ કરે છે. થેન્ક્યૂ રમેશ સર, તમારા આ પ્રોત્સાહન માટે. રમેશ બાલાએ સોનુનો જે વીડિયો શેર કર્યો છે તેમાં સોનુ લોકોની સમસ્યાઓ સાંભળી રહ્યો છે ત્યારે એક વ્યક્તિ સોનુના પગે પડતો પણ જોવા મળી રહ્યો છે. આ વીડિયોમાં પુરૂષોથી લઈ મહિલાઓ બધાં જ સોનુ પાસે પોતાની સમસ્યા લઈને આવ્યા છે અને સોનુ ખૂબ જ સારી રીતે લોકોની સમસ્યા સાંભળી રહ્યો છે. 

સોનુ હવે તેના આ સેવાકાર્યથી સમગ્ર દેશમાં ખૂબ જ લોકપ્રિય થઈ ગયો છે. લોકડાઉનમાં તેણે પરપ્રાન્તીય મજૂરોને ઘરે મોકલવાથી લઈને વિદેશમાં ફસાયેલા લોકોને ભારત પરત લાવવામાં પણ મદદ કરી હતી. ટ્વિટ્સ દ્વારા તે લોકોની પરેશાનીઓ સાંભળે છે અને પછી તેને સોલ્વ કરવાનો પ્રયાસ કરે છે. કેટલાક લોકોએ સોનુના આ નેક કામને પબ્લિસિટી સ્ટંટ પણ કહ્યું હતું, જોકે, એ પછી સોનુએ એવો જવાબ આપ્યો કે બધાંની બોલતી બંધ થઈ ગઈ. 

Sonu Sood Film set Shooting Help
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ