પત્ર / કોરોના કાળમાં માતા-પિતા ગુમાવનાર બાળકોના શિક્ષણને લઈ સોનિયા ગાંધીએ PM મોદીને લખ્યો પત્ર

• દેશની અમુક રાજ્ય સરકારે આવા બાળકો માટે સારા પગલાં લીધા છે 
• સંક્રમણમાં પોતાના માતાપિતા ગુમાવનાર બાળકોની સ્થિતિ ઘણી માર્મિક
• દેશભરમાં છે 661 નવોદય સ્કૂલો 

દેશની અમુક રાજ્ય સરકારે આવા બાળકો માટે સારા પગલાં લીધા છે 
કોરોના મહારમારીમાં દેશના ઘણા લોકોએ પોતાના સ્વજન ગુમાવ્યા છે. ઘણા પરિવારોના યુવાનોથી લઈ ઘર ચલાવનાર મોભી પણ મૃત્યુ પામ્યા છે. સાથે સાથે દેશમાં ઘણા બાળકોએ પોતાના માં-બાપ પણ ગુમાવ્યા છે. કેટલાક બાળકોએ પિતા તો કેટલાક બાળકોએ માતા ગુમાવી છે. આવ બાળકો માટે અલગ અલગ રાજ્યોએ પોતાની રીતે એ બાળકોનું ધ્યાન રાખશે તેવું આશ્વાસન પણ આપ્યું છે. મધ્યપ્રદેશ, દિલ્હી જેવા રાજ્યોમાં આવ બાળકો માટે અને ઘરમાં જો માત્ર દીકરી જ કમાવનાર હોય તો તેમના માટે સારી યોજના પણ બહાર પાડી છે. 

Congress interim chief Sonia Gandhi wrote to PM Modi requesting him to consider providing free education in Navodaya Vidyalaya to children who lost both of their parents or an earning member of the family pic.twitter.com/cgPUP8rlSm

— ANI (@ANI) May 20, 2021

સંક્રમણમાં પોતાના માતાપિતા ગુમાવનાર બાળકોની સ્થિતિ ઘણી માર્મિક
આ વાતને ધ્યાનમાં લઈ સોનિયા ગાંધીએ આજે PM મોદીને પત્ર લખતા જણાવ્યું છે કે કોરોનાકાળમાં જે બાળકોએ પોતાના માતાપિતા ગુમાવ્યા છે કે કમાણી કરનાર સ્વજન ગુમાવ્યા છે તે દરેક બાળકને નવોદય વિદ્યાલયમાં મફતમાં શિક્ષણ આપવમાં આવે. તેમણે પત્રમાં લખ્યું છે કે "તમે જાણો છો કે કોરોનાની બીજી લહેરે ઘણા લોકોના પરિવારોને વેરવિખેર કરી નાખ્યું છે. મહામારીના લીધે થઈ તબાહી અને તેના દ્વારા પરિવાર પર આવી પડી મુશ્કેલી સહન કરી શકાય તેમ નથી, તેથી સંક્રમણમાં પોતાના માતાપિતા ગુમાવનાર બાળકોની સ્થિતિ ઘણી માર્મિક છે. તેમના શિક્ષણ અને ભવિષ્યની ચિંતા કરવા વાળું કોઈ જ નથી. 

દેશભરમાં છે 661 નવોદય સ્કૂલો 
તેમણે આગળ લખ્યું કે, તમે જાણો છો કે મારા પતિ રાજીવ ગાંધીની સૌથી મહત્વપૂર્ણ વિરાસતોમાંથી એક નવોદય સ્કૂલનું નેટવર્ક પણ છે. મારા પતિનું સપનું હતું કે ગામડામાં રહેતા દરેક બાળકોને ઓછા ખર્ચામાં સારું શિક્ષણ મળે અને હાલમાં દેશમાં કુલ 661 નવોદય સ્કૂલ છે. હું આ પત્ર દ્વારા તમને વિનંતી કરું છું કે તમે આ મહામારીમાં માતાપિતા ગુમાવનાર દરેક બાળકને આ શાળાઓમાં મફતમાં શિક્ષણ આપવાનો વિચાર કરો.