હાલના દિવસોમાં મોબાઈલનું વ્યસન ભારત સહિત દુનિયાના લોકો માટે મોટી સમસ્યા બનતું જાય છે. મોબાઈલનો વધારે પડતો ઉપયોગ માનસિક સ્વાસ્થ્યને નુકસાન કરે છે પરંતુ હવે નવા ખુલાસામાં જાણવા મળ્યું છે કે સ્માર્ટફોનનાં કારણે પુરુષોને શારીરિક સમસ્યાઓ પણ થઇ રહી છે. સ્માર્ટફોનનો વધુ ઉપયોગ લોકો સેક્સ લાઈફ પર અસર પડી રહ્યું છે.
600 લોકો પર કરવામાં આવ્યું અધ્યયન
ફોનનાં કારણે સેક્સમાં અડચણ ઉભી થતી હોવાનું લોકોએ સ્વીકાર્યું
પેન્ટમાં નિયમિત રીતે સ્માર્ટફોન રાખવાથી ઘટી શકે છે કામેચ્છા
92 ટકા લોકોએ રાત્રે સ્માર્ટફોનનો ઉપયોગ કર્યો
મોરક્કોની શેખ ખલીફા બિન જાયેદ આંતરાષ્ટ્રીય વિશ્વવિદ્યાલય હોસ્પિટલ દ્વારા કરવામાં આવેલા એક અધ્યયનમાં 60 ટકા લોકોએ સ્વીકાર કર્યો કે સ્માર્ટફોનનાં કારણે તેમની સેક્સલાઈફ પર અસર પડી રહી છે. મોરક્કો વર્લ્ડ ન્યુઝની રીપોર્ટમાં જણાવવામાં આવ્યું છે કે 600 લોકો પર આ અધ્યયન કરવામાં આવ્યો હતો જેમાંથી 92 ટકા લોકોએ રાત્રે સ્માર્ટફોનનો ઉપયોગ કર્યો હતો. તેમના માંથી 18 ટકાએ ફોનને ફ્લાઈટ મોડમાં મુકી દીધો હતો.
60 ટકા લોકોએ કહ્યું કે ફોનનાં કારણે તેમની શારીરિક ક્ષમતાને અસર પહોંચી
જે બાદ આ સ્ટડીમાં જાણવા મળ્યું કે સ્માર્ટફોનની નકારાત્મક અસર 20થી 45 વર્ષનાં લોકો પર નકારાત્મક અસર કરે છે. જેમાંથી 60 ટકા લોકોએ કહ્યું કે ફોનનાં કારણે તેમની શારીરિક ક્ષમતાને અસર પહોંચી છે. રીપોર્ટમાં જણાવવામાં આવ્યું છે કે 50 ટકા લોકોએ સેક્સ લાઈફ વધુ સારી ન થવાની વાત સ્વીકારી હતી. અમેરિકાની સંસ્થાના સર્વેક્ષણ મુજબ મોટા ભાગનાં લોકો રાતે બેડમાં જ મોબાઈલ મૂકી ને સુવે છે જામથી એક તૃત્યાંશ લોકોએ માન્યું કે ઇનકમિંગ કોલના જવાબ આપવાના કારણે સેક્સમાં અડચણ આવે છે.
ફોનમાંથી નીકળતા રેડીએશનનાં કારણે મહિલાઓની કામેચ્છા 25 ટકા ઓછી થઇ જવાની સંભાવના
સેન્ટર ફોર ડીસીઝ કંટ્રોલ એન્ડ પ્રિવેન્શન મુજબ જે પુરુષ મોબાઈલ નિયમિત રુપે પોતાની પેન્ટમાં રાખે છે તેમની કામેચ્છા ઓછી થવાનની સંભાવના રહે છે. માત્ર પુરુષો જ નહિ પરંતુ મહિલાઓમાં પણ આ જ સમસ્યા જોવા મળે છે. ફોનમાંથી નીકળતા રેડીએશનનાં કારણે મહિલાઓમાં લીબીડો એટલે એક કામેચ્છા 25 ટકા ઓછી થઇ જવાની સંભાવના રહેલી છે. એક અન્ય સ્ટડીમાં જણાવવામાં આવ્યું છે કે જે પુરુષો દિવસમાં 2 કલાક સ્માર્ટફોન વાપરે છે તેમના કરતા જે પુરુષો દિવસમાં 4 કલાક સ્માર્ટફોન વાપરે છે એવા પુરુષોમાં સેક્સ સમસ્યા થવાની સંભાવના વધુ રહેલી છે.