બગસરા તાલુકાના હાલરીયા ગામની 10 ઓરડાની પ્રાથમિક શાળામાંથી 6 એવા ઓરડા છે. જેમાં બાળકોને ભણાવવા એટલે કે, મોતના ઓરડામાં મોકલવા સમાન.
હાલરીયા ગામની ખંડેર શાળા
જર્જરિત શાળામાં ભણે છે ભાવિ
171 વિદ્યાર્થીઓનો વચ્ચે 4 ઓરડા
શિક્ષણની વાત આવે ત્યારે આપણી સરકાર અને નેતાઓ ભણશે ગુજરાત. આગળ વધશે ગુજરાતના સૂત્રો સાથે મેદાનમાં નિકળી જાય છે..અને આજ જાહેરાતો પાછળ દર વર્ષે કરોડો રૂપિયા પાણીની જેમ વહાવે છે.. પરંતુ આજે કેટલીક એવી તસવીરો બતાવવી છે.. જેને જોયા બાદ તમે કહેશો કે, જાહેરાતોમાં નહીં પરંતુ અહીં રૂપિયાનો ઉપયોગ કરો તો. ગુજરાત ભણશે અને આગળ વધશે. ત્યારે વિકાસની વાતો કરતી સરકારની પોલ ખોલતી હકીકત જોઈએ
આપણી ગુજરાતની ભાજપ સરકાર શહેરથી ગામડાને જોડવાની વોતો તો ખુબ મોટી-મોટી કરે છે.. પરંતુ વિકાસ કેટલો થાય છે.. તે બગસરા તાલુકાના હાલરીયા ગામની પ્રાથમિક શાળાની આ હાલત કહે છે.. અહીં 10 ઓરડાની શાળામાંથી 6 એવા ઓરડા છે. જેમાં બાળકોને ભણાવવા એટલે કે, મોતના ઓરડામાં મોકલવા સમાન છે.. કારણ કે, હજૂ અહીં વર્ષોની નળિયા વાળી શાળા છે.. જેમાં નળિયા ભાંગી-તૂટી ગયાં છે.. જ્યારે બીજી તરફ જે શાળા સ્લેબ વાળી છે તેમાં લોખંડ પણ કટાઈ ચૂક્યું છે. અને દિવારો પરથી અને છત પરથી વિદ્યાર્થીઓની માથે પોપડા પડે છે.. જેમાં અત્યાર સુધીમાં અનેક બાળકોને ગંભીર ઈજાઓ પહોંચી છે.. તો ચોમાસા દરમિયાન આ સ્લેબવાળા ઓરડાઓમાં પાણી પણ ટપકે છે. પરંતુ સ્થિતિ એવી છે કે, સરકાર કે, શિક્ષણ વિભાગને આ શાળાના રિનોવેશનમાં રસ નથી.
આપણી સરકાર શહેરોમાં સ્માર્ટ શાળા બનાવે છે.. અને તેની પાછળ કરોડો રૂપિયા પાણીની જેમ વહાવે છે.. જ્યારે બીજી તરફ ગ્રામ્ય કક્ષાએ શાળાઓની હાલત ખંડેર જેવી છે.. હાલરીયા ગામની આ પ્રાથમિક શાળામાં 171 વિદ્યાર્થીઓ અભ્યાસ કરે છે.. પરંતુ બધા જ વિદ્યાર્થીઓ 4 ક્લાસરૂમમાં સમાતા નહોવાથી અડધા વિદ્યાર્થીઓને ખુલ્લામાં ભણવું પડે છે.. જોકે શાળાની સ્થિતિને લઈને આચાર્ય અને ગ્રામજનોએ સરકારમાં અનેક વખત રજૂઆતો પણ કરી છે.. પરંતુ એવું લાગે છે કે, સરકારને આ વિદ્યાર્થીઓના ભવિષ્ય સાથે જાણે કોઈ લેવાદેવા જ નથી.. જોકે હવે ગામના લોકો પણ લડી લેવાના મુડમાં છે. અને નવી શાળા નહીં બનાવી આપવામાં આવે તો. વિધાનસભા ચૂંટણીમાં આખું ગામ ચૂંટણીનો બહિષ્કાર કરશે તેવી ચીમકી ઉચ્ચારી છે..
VTVના સવાલ?
શાળાની હાલત અને વિદ્યાર્થીઓને પડતી મુશ્કેલીઓને જોતા અહીં સવાલ એ થાય છે કે, ક્યાં છે વિકાસને વરેલી સરકારના નેતાઓ? ક્યાં છે વિકાસને વરેલી સરકારનો વિકાસ? શું આ ખંડેર શાળાને વિકાસ કહે છે ભાજપની સરકાર? શું આવી રીતે ભણીને આગળ વધશે ગુજરાત? સ્લેબ તૂટયો અને વિદ્યાર્થીઓને કાંઈ થયું તો કોણ જવાબદાર? કેમ આ પ્રાથમિક શાળાનું રિનોવેશન ન થયું? સવાલો અનેક છે.. પરંતુ અહીં મુદ્દો ગુજરાતના ભાવિનો છે. ત્યારે આશા રાખીએ કે, આ અહેલાની નોંધ ગુજરાતની સરકાર લેશે. અને આ દિશામાં યોગ્ય પગલા ભરશે..