સ્કિન પ્રોબ્લેમ / ઉનાળામાં ભયંકર હેરાન કરે છે ફોડલી અને રેશિઝની સમસ્યા, તમને થાય તો તરત જ આ ઘરેલૂ ઉપાય કરી લો

લીમડો અને કપૂર

એન્ટી ઇન્ફ્લેમેટરી, એન્ટી બેક્ટેરિયલ લીમડો અને કપુર હીટ રેશીઝમાં ખુબ મદદગાર છે. લીમડાના પાંદડાની પેસ્ટ બનાવીને તેમાં કપુર મિક્સ કરો. તેને 30 મિનિટ સુધી ફોડલીઓ પર લગાવો પછી ઠંડા પાણીથી નહાવ.

કોકમ

હાથ, પગ કે પીઠ પર થતી ફોડલીઓમાં બળતરા અને ચુભન થાય છે. તેનાથી છુટકારો મેળવવા માટે કોકમ બેસ્ટ ઓપ્શન છે. આ માટે કોકમના ચારથી પાંચ ટુકડા બે ગ્લાસ પાણીમાં આખી રાત પલાળી દો. સવારે પાણીને અડધુ થાય ત્યાં સુધી ઉકાળો. પછી પાણીને ઠંડુ કરીને તેમા 3થી 4 ચમચી ખાંડ ભેળવીને પીવો.

તરબુચ

તરબુચની અંદરના લાલ ભાગને 15થી 20 મિનિટ સુધી ફોડલીઓ પર લગાવો પછી ઠંડા પાણીથી નાહી લો. તેનાથી ફોડલીઓની સમસ્યા પણ દુર થશે. 

આઇસ પેક

બરફના કેટલાક ટુકડાઓને કપડામાં લપેટીને પ્રભાવિત ભાગને હળવા હાથે રગડો. આમ કરવાથી અળાઇઓ અને ગરમીમાં ખુબ જ રાહત મળશે. 

મુલતાની માટી

ફોડલીઓ પર મુલતાની માટીનો લેપ કરવાથી પણ ખુબ જ ફાયદો થશે. તેનાથી થોડા જ દિવસોમાં આ સમસ્યા ઠીક થઇ જશે. 

નારિયેલ તેલ

નારિયેલ તેલમાં કપુર પીસી લો. નાહી લીધા બાદ તેને ફોડલીઓ કે હિટ રેશીઝ પર લગાવો. રોજ દિવસમાં બે વાર તેનાથી માલિશ કરવાથી ગરમીના લીધે થયેલી ફોડલીઓ મટવા લાગશે. 

ચંદન

ચંદન પાવડર, કોથમીર પાવડર અને ગુલાબજળ મિક્સ કરીને લેપ બનાવો. તેને પ્રભાવિત ભાગ પર લગાવીને થોડા સમય માટે છોડી દો. ત્યારબાદ તાજા પાણીથી ધોઇ નાંખો, ફોડલીઓ દુર થઇ જશે.

એલોવેરા

ફ્રેશ એલોવેરાને સારી રીતે ધોઇ લો. હવે તેના અંદરના ભાગને ફોડલીઓ પર લગાવો. તેનાથી ફોડલીઓમાં રાહત મળશે.