ધ્યાન રાખજો / ગમે તેટલું કામ હોય ઓફિસમાં ન કરશો આ ભૂલ: કેન્સર, ડાયાબિટીસ અને હાર્ટ ઍટેકનો વધશે ખતરો

• ઓફિસમાં લાંબા સમય સુધી ન બેસી રહો 
• થઈ શકે છે આ બીમારીઓ 
• જાણો લાંબા સમય સુધી બેસી રહેવાના નુકસાન વિશે 

ઓફિસનું વર્ક પ્રેશર વધારે હોવાના કારણે લોકો પોતાનો ટાર્ગેટ પુરો કરવા માટે કલાકો સુધી એક જ જગ્યા પર બેસીને કામ કરે છે. આમ કરવાથી કામ તો પુરૂ થઈ જાય છે પરંતુ તેનાથી તમારા શરીર પર ખૂબ ખબાર પ્રભાવ પડે છે.  

હકીકતે કલાકો સુધી એક જ પોઝિશનમાં બેસી રહેવાના કારણે તમારે ઘણા પ્રકારની બીમારીઓ થઈ શકે છે. એવામાં આજે તમને એવી બીમારીઓ વિશે જણાવીએ જે તમને એક જ જગ્યા પર બેસી રહેવાથી થઈ શકે છે. 

લાંબા સમય સુધી એક જ જગ્યા પર બેસી રહેવાના 5 નુકસાન 
હાર્ટને થશે નુકસાન 
એક જ જગ્યા પર કલાકો સુધી બેસી રહેવાના કારણે શરીર એક્ટિવ નથી રહેતું તેનાથી હાર્ટના સ્વાસ્થ્ય પર ખરાબ અસર પડે છે. એવામાં તેના સાથે સંબંધિત બીમારીઓને થવાનો ખતરો વધી જાય છે. 

ડાયાબિટીસનો ખતરો 
સતત બેસી રહેવાના કારણે લોહીને ખૂબ ઓછુ ગ્લુકોઝ મળે છે. જેનાથી ટાઈપ 2 ડાયાબિટીસનો ખતરો વધી શકે છે. ઓફિસ વર્કમાં સતત ઘણા સમય સુધી બેસી રહેવું પડે છે. જેનાથી પીઠ અથવા કમરના દુખાવા જેવી મુશ્કેલીઓ પણ થઈ શકે છે. 

વજન વધવાની સમસ્યા 
આખો દિવસ બેસી રહેવાથી શરીર વધુ કેલેરી બર્ન નથી કરી શકતુ અને એવામાં તમારૂ વજન વધવાનો ચાન્સ રહે છે. આટલું જ નહીં, વધુ સમય સુધી બેસી રહેવા પર ઈન્સુલિન હોર્મોનની ગ્લૂકોઝને બ્લડમાંથી કાઢવાની ક્ષમતા ઓછી થઈ જાય છે અને ગ્લુકોઝ બ્લડમાં રહી જાય છે જે જાડાપણાનું કારણ બને છે. 

નબાળા હાડકાં
આખો દિવસ બેસી રહેવાથી અને મૂવમેન્ટ ન કરવાથી તમારા બોન્સ અને જોઈન્ટ્સ પર ખરાબ અસર પડે છે. લાંબા સમય સુધી બેસી રહેવાથી બોન ડેંસિટી ઓછી થઈ જાય છે અને ફ્રેક્ચર થવાની આશંકા વધી જાય છે. સાથે જ બોન ગ્રોથ રોકાઈ જાય છે. જેનાથી ઓસ્ટિયોપોરોસિસ જેવી ગંભીર સમસ્યાઓ થવાનો ખતરો વધી જાય છે. 

કેન્સર 
મોટાભાગનો સમય બેસી રહેવાની આદત કેન્સર જેવી બીમારીઓના રિસ્કને પણ વધારી શકે છે. જો કોઈ વ્યક્તિ લાંબા સમય સુધી બેસી રહે છે અને દિવસભર કોઈ પણ પ્રકારની ફિઝિકલ એક્ટિવિટી જેવી એક્સરસાઈઝ, ડાન્સ, સ્પોર્ટ્સ વગેરે નથી કરતા તો તેના માટે કોર્ડિયોવેસ્કુલર ડિઝીઝ, કેન્સર અને અન્ય બીમારીઓ થવાનો ખતરો વધી જાય છે.