સાવધાન / SIM KYCનો મેસેજ આવે તો થઈ જજો સાવધાન, નહીં તો બેંકખાતુ થઈ જશે ખાલી

• કેવાયસી મેસેજથી ફ્રોડ કરતા મેસેજ ફરતા થયા
• સાઇબર ઠગ જુદા જુદા પ્રકારે બેન્ક ડિટેલ્સ મેળવી લે છે
• કેવાયસીના મેસેજને ઇગ્નો કરો

કેવાયસીનાં મેસેજથી બચવાની જરુર
જો તમે એરટેલ કસ્ટમર છો અને તમને રોજ કેવાયસી માટેનાં મેસેજ કે ફોન આવે છે તો સાવધાન થઈ જાઓ. સીમ કેવાયસી કરાવીને ઠગતા કિસ્સા સામે આવી રહ્યાં છે. દિલ્હી પોલીસનાં સાઇબર ક્રાઇમે આ માટે એલર્ટ જાહેર કર્યું છે અને જણાવ્યું છે કે એરટેલ કસ્ટમર્સ કે કેવાયસીનાં મેસેજ આવે છે તેનાંથી લોકોએ બચવાની જરુર છે અને તેનાથી બચવાનાં ઉપાય પણ જણાવ્યા છે.

સીમ 24 કલાકમાં બ્લોક થઈ જવાનો મેસેજ આવશે
કેવાયસી માટે જે મેસેજ આવી રહ્યા છે તેમાં કહેવામાં આવે છે કે, પ્રિય એરટેલ સીમ ગ્રાહક, તમારુ કેવાયસી નિલંબીત કરવામાં આવ્યું છે. તમારા એરટેલ સીમનું કેવાયસી કરવા માટે 93391**** પર કોલ કરો. કેવાયસી ના કરવા પર તમારું એકાઉન્ટ 24 કલાકમાં બ્લોક કરી દેવામાં આવશે.

નવા પ્રકારનું ફ્રોડ સામે આવ્યું છે
ડીસીપી સાઇબર ક્રાઇમે ટ્વીટ કરીને કહ્યું કે, સાવધાન રહો. એક નવા પ્રકારનું ફ્રોડ એસએમએસ સામે આવ્યુ છે, જેમાં એરટેલ સીમ કાર્ડની કેવાયસી કરાવવા માટે એક મોબાઈલ પર ફોન કરવા માટે કહેવામાં આવે છે. જે નંબર પર કોલ કરવાથી એક સાઇબર ઠગ જુદા જુદા પ્રકારે તમારાં બેન્ક એકાઉન્ટ અથવા ક્રેડિટ કાર્ડથી પૈસા ઉઠાવી લે છે. 

ઠગ ચોરી લેશે તમારી બધી વિગતો
બીજા ટ્વીટમાં તેમણે કહ્યું કે, કોલરની વાતોમાં ભોળવાઈ ના જાઓ. ના કોઈ એપ ડાઉનલોડ કરો અને કોઈ પણ નાનુ પેમેન્ટ પણ ના કરો. આ ઠગ ડાઉનલોડ કરવામાં આવેલ એપ થકી એની ડેસ્ક ક્વિક સપોર્ટથી તમારા ફોન સ્ક્રીને રેમોટેલી જોઈ લે છે અને તમારા કાર્ડ, સીવીવી, ઓટીપી, યુપીઆઈ પીન જેવી વિગતો ચોરીને લાખો રુપિયા ઉડાવી લે છે.

ઓફિશિયલ કસ્ટમર કેર સાથે વાત કરો 
જો તમને કેવાયસી માટેનો કોઈ મેસેજ આવે તો તેને ઇગ્નોર કરજો. તેની સાથે કેવાયસી વેરિફાય કરવા માટે ઓફિશિયલ કસ્ટમર કેર સાથે વાત કરો. કોઈ પણ અજાણ્યા નંબર પર ફોન ના કરો અને તમારા ફોન પર કોઈ એપ ડાઉનલોડ ના કરો.