મેસેજિંગ એપ / ભારત સહિત 7 દેશોમાં 2 દિવસમાં WhatsAppને પછાડીને ટૉપ ફ્રી એપ બની Signal, આ કારણે લોકોએ ધડાધડ કરી ડાઉનલોડ

• Signal એપ્લિકેશન ભારત સહિત ઘણા દેશોમાં ટૉપ ફ્રી એપ્લિકેશન બની
• 2 દિવસમાં એન્ડ્રોઇડ અને iOS ડિવાઇસમાં 1,00,000થી વધુ લોકોએ ડાઉનલોડ થઇ
• એલોન મસ્કે ટ્વીટ કર્યા બાદ ધડાધડ વધ્યું ડાઉનલોડ

હવે લોકો પ્રાઈવસી ફોકસ્ડ ઇન્સ્ટન્ટ મેસેજિંગ એપ્લિકેશન સિગ્નલ (Signal) પર સ્વિચ થઈ રહ્યાં છે. હવે આ એપ્લિકેશન ભારત સહિત ઘણા દેશોમાં ટૉપ ફ્રી એપ્લિકેશન બની ગઈ છે. એજ કારણ છે કે જોત જોતામાં સિગ્નલ એપ્પલ એપ સ્ટોર પર વ્હોટ્સએપને પછાડીને ભારતમાં ટૉપ ફ્રી એપ બની ગઇ. ભારત સિવાય આ જર્મની, ફ્રાંસ, આસ્ટ્રિયા, ફિનલેન્ડ, હોંગકોંગ અને સ્વિત્ઝરલેન્ડમાં WhatsAPPને પછાડીને ટૉપ પર આવી ગઇ છે. ત્યારે જર્મની અને હંગરીમાં Signal ગૂગલ પ્લે સ્ટોરમાં પણ ટૉપ ફ્રી એપમાં પોતાની જગ્યા બનાવવામાં કામયાબ થઇ ગયું છે. આવો તમને જણાવીએ કે, Signal એપ શા માટે બની રહી છે લોકોની પસંદ...

રૉયટર્સના રિપોર્ટમાં સેન્સર ટૉવરના ડેટાના હવાલાથી જણાવવામાં આવ્યું કે, સિગ્નલ એપને છેલ્લા 2 દિવસમાં એન્ડ્રોઇડ અને iOS ડિવાઇસમાં 1,00,000થી વધુ લોકોએ ડાઉનલોડ કરી છે. સાથે જ 2021 પહેલા અઠવાડિયામાં વ્હોટ્સએપના નવા ઇન્સ્ટૉલેશનમાં 11 ટકાનો ઘટાડો આવ્યો છે.

એલોન મસ્કે ટ્વીટ કર્યા બાદ ધડાધડ વધ્યું ડાઉનલોડ

ટેસ્લાના સીઈઓ અને વિશ્વના સૌથી ધનિક વ્યક્તિ એલોન મસ્કે ટ્વિટ કરીને તેમના ફોલોઅર્સને સિગ્નલ એપ્લિકેશનનો ઉપયોગ કરવાની સલાહ આપી છે. મસ્કના આ ટ્વીટથી સોશિયલ મીડિયા પર ખળભળાટ મચી ગયો છે. આ ટ્વિટને 2.7 લાખથી વધુ લોકોએ પસંદ કર્યું છે અને 32 હજારથી વધુ લોકો દ્વારા રીટ્વીટ કરવામાં આવ્યા છે.

2014માં સિગ્નલ એપ્લિકેશન શરૂ કરવામાં આવી હતી

ફેસબુક દ્વારા ખરીદાયા પછી, WhatsAppના સહ-સ્થાપક બ્રાયન ઍક્ટને સિગ્નલ ફાઉન્ડેશનની રચના કરી છે. સિગ્નલ એપ્લિકેશનનું માલિકી સિગ્નલ ફાઉન્ડેશન અને સિગ્નલ મેસેન્જર LACની છે. તે વર્ષ 2014 માં શરૂ કરાઈ હતી. હાલમાં, સિગ્નલ એપના સીઈઓ મોક્સી માર્લિન્સપાઇક છે. આ એપ્લિકેશનની ટેગલાઇન 'Say Hello to Privacy' છે.

Signal અને Whatsapp વચ્ચે શું તફાવત છે?

સિગ્નલ એપ્લિકેશન કોઈ પણ રીતે યુઝરનો ડેટા એકત્રિત કરતી નથી જ્યારે Whatsappએ હવે યુઝર ડેટા એકત્રિત કરવાનું શરૂ કર્યું છે. સિગ્નલ એપ્લિકેશન ફક્ત યુઝર્સનો મોબાઇલ નંબર લે છે, જ્યારે વોટ્સએપ તમામ ડેટા, ફોન નંબર, સંપર્ક સૂચિ, સ્થાન, મેસેજ એકઠા કરે છે.

સિગ્નલ એપના ફીચર્સ શું છે?

આ એપ તમામ યુઝર્સ માટે ફ્રી છે. મેઈન વાત એ છે કે કંપની તમારા ડેટાનો એક્સેસ કરી શકતી નથી. Whatsappની જેમ સિગ્નલમાં પણ ‘ચેટ એન્ડ ટુ એન્ડ ઈન્ક્રિપ્ટેડ’ રહે છે, એટલે જો તમે Whatsappની નવી પોલિસીમાં હજુ NOT NOW ઓપ્શન સિલેક્ટ કર્યું છે અને તમે તમારી પ્રાઈવસી માટે કન્સર્ન છો તો આ એપ સારો વિકલ્પ છે. પ્રાઈવસી કમિટેડ આ એપમાં તમારા વોઈસ ઓડિયો, સ્ટિકર, અટેચમેન્ટ, પ્રોફાઈલ ફોટો અને લોકેશન પિન સહિતની ડિટેલ ઈન્ક્રિપ્ટેડ રહે છે.

સિગ્નલ એપમાં પણ Whatsappની જેમ જ યુઝર્સ અન્ય યુઝર્સને મેસેજ મોકલી શકે છે, ઓડિયો અને વિડિયો કોલ કરી શકે છે, સાથે જ ફોટો, વિડિયો અને લિંક્સ પણ શેર કરી શકે છે. તાજેતરમાં જ એમાં ગ્રુપ વિડિયો કોલિંગ ફીચર પણ ઉમેરાયું છે. જોકે હાલ તેની લિમિટ 150 મેમ્બર્સની છે. 

જો તમે પ્રાઈવસી લવર્સ છો તો આ એપ તમારા કામની છે. સિગ્નલમાં Whatsappની જેમ એડમિન યુઝર્સની પરવાનગી વિના ગ્રુપમાં મેમ્બર એડ કરી શકતો નથી. એના માટે અન્ય યુઝર્સને ઈન્વિટેશન સેન્ટ કરવાનું રહેશે અને જો અન્ય યુઝર્સ આ ઈન્વાઈટ એક્સેપ્ટ કરશે તો તે ગ્રુપમાં એડ થશે.

ગાયબ કરે છે જૂના મેસેજ

પ્રાઈવસીને ધ્યાનમાં રાખી સિગ્નલે પણ ડિસઅપિયરિંગ મેસેજ ફીચર લોન્ચ કર્યું છે. યુઝર 5 સેકન્ડથી 1 અઠવાડિયાનો સમય નક્કી કરી શકાય છે. આ ટાઈમ લિમિટ પૂરી થયા બાદ મેસેજ આપમેળે ચેટમાંથી ડિલિટ થઈ જશે. સિગ્નલ એપ 7 પ્રકારની પરમિશન માગે છે, પરંતુ કંપનીએ યુઝરનો ડેટા એક્સેસ કરવાનો કોઈ ઉલ્લેખ કર્યો નથી. સિગ્નલ એપની પ્રાઈવસી પોલિસી પ્રમાણે, એ યુઝરનો કોઈપણ પ્રકારનો ડેટા સ્ટોર કરતી નથી.

ચેટ બેકઅપ

Whatsappની જેમ સિગ્નલ એપમાં ચેટ બેક અપ થર્ડ પાર્ટી એપ પર પોસિબલ નથી અર્થાત જો તમે એક વાર તમારો ફોન ખોઈ નાખ્યો તો તમારી ચેટનું બેકઅપ આઈક્લાઉડ કે પછી ગૂગલ ડ્રાઈવથી લઈ શકશો નહિ. જોકે એપ ફોનમાં જ ઈન્ક્રિપ્ટેડ ચેટ સેવ કરે છે. તેનો એક્સેસ માત્ર યુઝર્સ પાસે જ રહેશે. એપ એટલી હદે સિક્યોર છે કે તે તમારી કોન્ટેક્ટ ડિટેલ પણ તેના સર્વર પર સેવ કરતી નથી.

Incognito કીબોર્ડ

સિગ્નલ એપમાં એક એક્સ્ટ્રીમ લેવલનું પ્રાઈવસી ફીચર ‘ઈન્કોગ્નિટો કીબોર્ડ’ મળે છે. લીડિંગ મેસેજિંગ પ્લટફોર્મમાં આવું કોઈ ફીચર મળતું નથી. આ ફીચરથી એપ તમારા કીબોર્ડ ટાઈપિંગને ફોલો નહિ કરે. એપનું સ્ક્રીન સિક્યોરિટી ફીચર અન્ય એપમે સિગ્નલ એપના વિન્ડોમાં જોતા અટકાવશે કે તમે શું ટાઈપ કરી રહ્યા છો.

આ છે સૌથી ખાસ ફીચર

સિગ્નલ એપમાં મુખ્ય ખાસિયત એ છે કે તેમાં ડેટા લિક્ડ ટૂયૂ ફીચર આપવામાં આવ્યું છે. આ ફીચરને ઇનેબલ કર્યા બાદ કોઇ પણ ચેટિંગ દરમિયાન તેના ચેટનો સ્ક્રીનશૉટ નહીં લઇ શકે. તેથી સ્પષ્ટ થાય છે કે, આ તમારી ચેટને સંપૂર્ણ રીતે સિક્યોર રાખે છે.

શું છે Whatsappની નવી પોલિસી?

નવી પોલિસીમાં લખવામાં આવ્યું છે કે, અમારી સર્વિસિસ ઓપરેટ કરવા માટે તમે Whatsappના જે કન્ટેન્ટ અપલોડ, સબમિટ, સ્ટોર, સેન્ડ અને રિસીવ કરો છો કંપની તેને ક્યાંય પણ યુઝ, રિપ્રોડ્યુસ, ડિસ્ટ્રીબ્યુટ અને ડિસ્પ્લે કરી શકે છે. આ પોલિસી 8 ફેબ્રુઆરી, 2021થી લાગુ થવા જઈ રહી છે. આ તારીખ પછી નવી શરતો માનવી જરૂરી બનશે જો યુઝર્સ તેને નામંજૂર કરશે તો તેનું અકાઉન્ટ ડિલીટ થઈ જશે. તેના માટે તમે હેલ્પ સેન્ટર પર વિઝિટ કરી શકો છો. હાલ પોલિસીમાં એગ્રી અને નોટ નાઉનો ઓપ્શન મળી રહ્યો છે.