લાલ 'નિ'શાન / હજારો દીકરીઓમાં માસિક ધર્મ વિશે જાગૃતિ લાવતી આ મહિલા સમાજ માટે પ્રેરણા

• દીકરીઓમાં માસિક ધર્મ વિશે જાગૃતિ લાવવ કામ કરતી મહિલા 
• હેપ્પી પીરિયડ્સ કેમ્પેન દરમિયાન જાણવા મળી સમાજની કડવી સચ્ચાઈ 
• સ્ત્રીઓના આત્મસન્માન માટે VTVનું અભિયાન લાલ 'નિ'શાન 

આ મહિલા જે મુદ્દે કામ કરી રહી છે તે મુદ્દો એકવીસમી સદીમાં પણ આપણા સમાજમાં હજુ ચર્ચાને લાયક નથી બન્યો . માસિક સ્ત્રાવ વિશે કામ કરતા તેમને જાણ થઇ કે આરોગ્ય અને સ્વચ્છતા અંગે જાગૃતિનો અભાવ લોકોને ખૂબ પરેશાન કરી રહ્યાં છે.

શુમા બાનિકે જયારે આ ક્ષેત્રમાં કામ કરવાની પહેલ કરી તે બાદ તેમને ખૂબ ચોંકાવનારી હકીકતની જાણ થઇ. જેમ કે છોકરીઓ તેમના માતાપિતા અને શિક્ષકો સાથે માસિક વિશે વાત કરી શકતી નથી. કેટલીક છોકરીઓ પીરિયડ્સ દરમિયાન જૂના ભીના ચીંથરાં કે કપડાંનો ઉપયોગ કરે છે. સાથે જ બીજી વાત જાણવા મળી કે જયારે પહેલીવાર રજસ્વલામાંથી પસાર થઇ તો તેમને લાગ્યું કે તે મરી જશે. 

મોટા ભાગની છોકરીઓ પીરિયડ્સ દરમિયાન કમ્ફર્ટેબલ અનુભવતી નથી. કેટલીક છોકરીઓએ તો સ્કૂલ જવાનું છોડી દીધું. કેટલીક છોકરીઓ પોતાની જાતને અશુદ્ધ સમજવા લાગી જયારે કેટલીક છોકરીઓ સમજે છે કે તે માસિક ધર્મમાં થાય છે કારણ કે તે શાપિત છે. 

હવે આ સમસ્યાઓ વચ્ચે આપણે શું કરી શકીએ છે? જયારે આપણે પોતાના જીવનનો ભૂતકાળ જોઈએ તો મૂળ સમસ્યા અને તેનું સમાધાન ઓન મેળવી શકીએ છે.શુમા બાનિક 6થી 8 ધોરણ સુધીની છોકરીઓ પાસે જશે અને માસિક શિક્ષણ સુલભ કરાવવા માટે પ્રયત્નો કરશે. 

આપણે પણ શુમાની જેમ જ આપણે પણ સ્ત્રીઓના આત્મસન્માન માટે આગળ આવીએ અને માસિક ધર્મનો સહજતાથી સ્વીકાર કરીએ. તથા માસિક ધર્મ વિશે દીકરીઓમાં જાગૃતિ લાવવા માટે પૂરાં પ્રયત્નો કરીએ. 

જોડાઓ અમારા અભિયાનમાં

અમે પણ મહિલાઓના સન્માનમાં અને તેમની આ માસિક ધર્મ વિશેની ગેરમાન્યતાઓને લઈને થતી તકલીફોને દૂર કરવા અભિયાન ઉપાડ્યું છે. જેનું નામ છે લાલ 'નિ'શાન (#LaalNiShaan). આ અભિયાનનો અમારો મુખ્ય ઉદ્દેશ છે કે લોકો બહાર આવીને માસિક ધર્મ અને પીરિયડ્સ જેવી બાબતો પર ખુલીને વાત કરે. તેને આભડછેટ તરીકે ન જૂએ અને મહિલાઓનું અપમાન થતું બંધ કરે. જો તમે પણ સપોર્ટ કરો છો આ અભિયાનને તો જોડાઓ અમારી સાથે અને મોકલો તમારા વિચારો અમને વીડિયો કે આર્ટિકલ સ્વરૂપે...